Esơra 5:1 - Sơ̆p Hlabơar Nơ̆r 'Bok Kei-Dei

¹ Kơplah Hagai păng Sachari kon Iđô pơm 'bok khan lê̆ adrol, yua hăm anăn Kră Yang 'Bok Kei-Dei Isơrael bơtho khan lê̆ adrol kơ lu bơngai Juđa tơ dêh Juđa păng tơ pơlei Jêrusalem. Wă kơ lu sư iung pơm pơjing hnam akŭm.

Esơra 5:1 Iomraidhean Croise

Esơra 4:24

Thoi noh, tơdrong jang pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem pơdơh dĭng truh tơ sơnăm mă 'bar chăl Đarius pơm pơtao pơgơ̆r dêh char Phersia.

Esơra 6:14

Thoi noh, lu đe kră pơgơ̆r kon pơlei Juđa pơtơm pơjing ming dơ̆ng hnam akŭm, tơdrong jang pŭn hiôk tơpă, 'blep trŏ thoi nơ̆r Hagai păng Sachari khan lê̆ adrol, kon drŏ-nglo Iđô. Thoi noh lu sư pơm keh hnam akŭm kiơ̆ kơ nơ̆r tơtă đơ̆ng Kră Yang 'Bok Kei-Dei lu đe Isơrael păng kư̆m kiơ̆ kơ nơ̆r tơjur đơ̆ng Sirus, Đarius păng Artaserses pơtao dêh char Phersia.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Hagai 1:1

Sơnăm mă 'bar chăl pơtao Đarius, năr mônh khei tơdrâu, đei nơ̆r Kră Yang yua Hagai 'bok khan lê̆ adrol roi tơbăt ăn kơ Sôrôbabel, kon drŏ-nglo Salathiel kră wei-lăng char Juđa păng ăn Jêhôsua, kon drŏ-nglo Jêhôsađak, 'bok soi tơm thoi âu:

Hagai 1:3

Thoi ei na đei nơ̆r đơ̆ng Kră Yang khan 'bơ̆t Hagai 'bok khan lê̆ adrol thoi âu.

Hagai 2:18

Dang ei tơchĕng bĕ; đơ̆ng năr 'nâu tơ adrol ki, wă khan iŏk đơ̆ng năr 'bar-jĭt puăn khei tơsĭn đơ̆ng năr man pơjing hơnă hnam akŭm 'Bok Kei-Dei, tơchĕng bĕ kơ tơdrong noh;

Sa 8:9

Kră Yang Tih Hloh khan thoi âu: “Ơ lu iĕm jơ̆ bơngai mă kơtơ̆ng năr 'nâu, kơtơ̆ng dôm lu nơ̆r noh đơ̆ng lu bơngai khan lê̆ adrol lăm năr mă hnam akŭm Kră Yang Tih Hloh đei pơdơ̆ng pơjing boih, na lu iĕm pơm bĕ kơ ti lu iĕm jing pran.