Esơra 4:3 - Sơ̆p Hlabơar Nơ̆r 'Bok Kei-Dei

³ Mă-lei Serubabel, Jêsua păng lu yŏng kơdră adrĕch adrung đe Isơrael, tơl khan: Iĕm ưh kơ gơh wang pơm hnam akŭm Kră Yang 'Bok Kei-Dei hăm lu nhôn ôh; mă-lei lăp hơdrô̆ lu nhôn đĕch, pơjing hnam akŭm Kră Yang Kră Yang 'Bok Kei-Dei lu bơngai Isơrael, nhen thoi Sirus, pơtao Phersi đei khan lê̆ boih kơ nhôn.

Esơra 4:3 Iomraidhean Croise

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Esơra 3:8

Sơnăm mă 'bar khei 'bar, đơ̆ng rŏng lu sư brŏk tơ hnam akŭm Kră Yang 'Bok Kei-Dei tơ pơlei Jêrusalem, Serubabel, kon drŏ-nglo Sêathiel păng Jêsua kon drŏ-nglo Jôsađăk, lu 'nhŏng oh, lu 'bok soi păng bơngai Lêwi, hăm đĭ-đăng lu bơngai mă đe rôp pơm bơnă 'nao wih brŏk tơ pơlei Jêrusalem, đĭ-đăng wang pơtơm pơm pơjing hnam akŭm; Lu sư ăn bơngai Lêwi đơ̆ng 'bar-jĭt sơnăm năm tơ kơpal, wă kơ wei-lăng tơdrong jang pơm pơjing hnam akŭm Kră Yang.

Ne 2:20

Na inh tơl lu sư: Kră Yang 'Bok Kei-Dei kơpal plĕnh gô ăn kơ lu nhôn đĭch đam Sư, gô pơm pơkeh tơdrong jang 'nâu, lu nhôn gô man pơdơ̆ng hơmet ming mă-lei gah lu iĕm ưh kơ gơh đei tơdrong kiơ 'bơm hăm pơlei Jêrusalem 'nâu.

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 45:4

Yua kơ Jakôp jơ̆ đĭch đam Inh păng Isơrael lu bơngai mă inh rơih iŏk. Na Inh krao ih hăm anăn ih păng ăn anăn ih đe gô pơyom, mă khan ih ưh kơ băt kơ Inh ră.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Yo 4:9

Na duch Samari ei khan kơ Sư: “Liơ Ih bơngai Juđê apinh inh drŏ-kăn Samari athei inh asong Ih đak nhă? Sư pơma thoi noh yua kơ lu bơngai Juđê kơ̆m kơ pơma dơnuh hăm bơngai Samari.”

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.