Esơra 3:9 - Sơ̆p Hlabơar Nơ̆r 'Bok Kei-Dei

⁹ Kơplah noh, Jêsua, lu kon drŏ-nglo sư păng lu 'nhŏng oh sư Katmiêl păng lu kon drŏ-nglo sư, lu kon sâu Hađawia păng lu kon drŏ-nglo Hênadat, kon sâu păng 'nhŏng oh lu sư, đĭ-đăng lu sư bơngai Lêwi akŭm băl minh jơhngơ̆m đon nhen thoi minh 'nu bơngai, na wei-lăng lu bơngai bơ̆jang pơm hnam akŭm Kră Yang 'Bok Kei-Dei.

Esơra 3:9 Iomraidhean Croise

I Ho 23:4

Đawit khan. “Lăm lu bơngai noh, đei 'bar-jĭt puăn-rơbâu 'nu bơngai wei-lăng tơdrong jang lăm hnam Kră Yang; tơdrâu 'nu bơngai pơm bơngai wei-lăng păng pơm kră sek tơlang.

II Ho 34:12

Lu bơngai thơ̆ noh jang đĭ jơhngơ̆m. Lu kai wei-lăng lu thơ̆ noh Jahat, Ôbađia, bơngai Lêwi adrĕch Mêrari; Sachari păng Mêsulam đơ̆ng lăm adrĕch Kôhat. Kŭm đei lu bơngai Lêwi nai hai, lu bơngai gơh reh brŏ hơgei.

Esơra 2:40

Lu bơngai Lêwi: Adrĕch Jôsua păng Katmiêl, kon sâu Hôđawia tơpơh-jĭt puăn.

Esơra 3:8

Sơnăm mă 'bar khei 'bar, đơ̆ng rŏng lu sư brŏk tơ hnam akŭm Kră Yang 'Bok Kei-Dei tơ pơlei Jêrusalem, Serubabel, kon drŏ-nglo Sêathiel păng Jêsua kon drŏ-nglo Jôsađăk, lu 'nhŏng oh, lu 'bok soi păng bơngai Lêwi, hăm đĭ-đăng lu bơngai mă đe rôp pơm bơnă 'nao wih brŏk tơ pơlei Jêrusalem, đĭ-đăng wang pơtơm pơm pơjing hnam akŭm; Lu sư ăn bơngai Lêwi đơ̆ng 'bar-jĭt sơnăm năm tơ kơpal, wă kơ wei-lăng tơdrong jang pơm pơjing hnam akŭm Kră Yang.

Ne 3:24

Tơtil bơngai noh Binnui kon drŏ-nglo Hênadat pơm hơmet minh puăt nai, đơ̆ng hnam Asaria truh tơ mum Pơlei.

Ne 7:43

Bơngai Lêwi: Kon sâu Jêsua đơ̆ng Katmiên, lăm adrĕch adrung Hôđêwa, tơpơh-jĭt puăn 'nu.