Esơra 3:11 - Sơ̆p Hlabơar Nơ̆r 'Bok Kei-Dei

¹¹ Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Esơra 3:11 Iomraidhean Croise

I Ho 16:34

Bơnê bĕ kơ Kră Yang, yua kơ Sư pơm 'lơ̆ng. Tơdrong Sư 'mêm mơnat oei ling-lang khŏm khŏm!

I Ho 16:41

Hơdai hăm lu sư đei Hêman hăm Jêđuthun păng lu bơngai nai mă đei rơih hăm 'măn lu sư jang kơkuh bơnê kơ Kră Yang “kơ tơdrong sư 'mêm mơnat oei oei ling-lang khŏm khŏm.”

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 7:3

Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

Ne 12:40

Thoi noh 'bar khŭl bơnê ư-ang noh pơdơh mơ̆t lăm hnam akŭm Kră Yang 'Bok Kei-Dei, inh păng minh puăt lu kră pơgơ̆r kiơ̆ hơdai inh.

Horiso 100:5

Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh.

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 107:1

Bơnê bĕ kơ Kră Yang, yua kơ Sư pơm 'lơ̆ng; Tơdrong 'mêm Sư oei oei ling-lang.

Horiso 118:1

Bơnê bĕ kơ Kră Yang, Yua kơ Sư 'lơ̆ng; Tơdrong 'mêm Sư oei oei ling-lang.

Horiso 131:1

Ơ Kră Yang, jơhngơ̆m inh huay kơ pơư kơdih, măt inh kư̆m huay kơ pơang. Inh kư̆m ưh kơ chơchă tơdrong tih krưp, dah tơdrong hloh kơ ai hnang.

Horiso 135:3

Bơnê bĕ kơ Kră Yang, Yua kơ Kră Yang 'lơ̆ng; Hơri bơnê bĕ kơ anăn Kră Yang, yua kơ noh chơt hiôk,

Horiso 47:1

Ơ kon pơlei pơla, tap ti bĕ, iŏk nơ̆r jei tih na jreo chhôk kơ Kră Yang 'Bok Kei-Dei.

Horiso 47:5

Kră Yang 'Bok Kei-Dei tŏk hăm nơ̆r jreo chơt hiôk, Kră Yang tŏk păr lăm jơwa keng re

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Jôsuê 6:10

Mă-lei Jôsuê khan dơ̆ng kơ kon pơlei: Lu iĕm lê̆ kơ ôr jreo, 'nĕ kơ pơma, 'nĕ kơ pơma dơnuh tơduă lu iĕm dĭng truh layơ mă inh athei: Ôr jreo bĕ 'bơ̆t noh kơnh lu iĕm ôr jreo.

Jôsuê 6:16

Dăr wơ̆t mă tơpơh, lu 'bok soi hlôm tơgiĕp re pơhioi na Jôsuê khan kơ kon pơlei: Ôr jreo pơret bĕ, yua kơ Kră Yang jao ăn pơlei âu kơ lu iĕm boih.

Jôsuê 6:5

Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.