Esơra 3:1 - Sơ̆p Hlabơar Nơ̆r 'Bok Kei-Dei

¹ Truh khei tơpơh, kơplah kon pơlei Isơrael hlôi oei lăm pơlei sư kơdih boih, na kon pơlei akŭm băl minh pôm đon nhen thoi minh 'nu bơngai lăm pơlei Jêrusalem.

Esơra 3:1 Iomraidhean Croise

Ne 7:72

Păng 'bar-rơbâu 'bar-hrĕng mina hu păng tơdrâu-jĭt tơpơh blah ao 'bok soi.

Ne 7:73

Thoi noh lu 'bok soi, bơngai Lêwi, lu bơngai gak 'măng jang, lu bơngai hơri, lu kon pơlei păng bơngai đĭch đam kră hnam yang kư̆m đĭ-đăng bơngai Isơrael, oei lăm pơlei sư kơdih. Truh tơ khei tơpơh, na kon pơlei Isơrael đơ̆ng rim pơlei wih brŏk akŭm tơ pơlei sư kơdih Jêrusalem.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 8:14

Lu sư đei 'bôh chih lăm khôi juăt; Kră Yang tơtă kơ Môis khan kơ kon pơlei Isơrael athei oei lăm hnam bơsŭn kơplah pơm giĕng et sa lăm khei tơpơh

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Lêwi 23:24

Roi tơ'băt bĕ kơ bơngai Isơrael, lăm năr mônh khei tơpơh, d năr noh lu iĕm gô đei năr pơdơh gĭt găl, wă kơ 'blŏk hơdơ̆r; iĕm athei hlôm keng, na ră roi, năr noh đei tơdrong akŭm rơgoh.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.