Esơra 10:4 - Sơ̆p Hlabơar Nơ̆r 'Bok Kei-Dei

⁴ Ih athei iung bĕ, yua kơ tơdrong âu 'bơm hăm ih păng lu nhôn gô tơgŭm; ih athei đei jơhngơ̆m pơ̆n nuih na pơm tơdrong 'nâu.

Esơra 10:4 Iomraidhean Croise

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 28:10

Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 28:21

Đei lu 'bok soi păng bơngai Lêwi, wă jang pơm hnam akŭm 'Bok Kei-Dei; đei lu sư gơh hơgei dôm tơdrong jang tơgŭm noh; lu 'bok pơgơ̆r păng đĭ-đăng kon pơlei, lu sư gô chu yom pơm kiơ̆ nơ̆r kon pơkă ngăl.”

Esơra 10:5

Esơra sư iung, apinh lu 'bok soi păng bơngai Lêwi hăm đĭ-đăng Isơrael pơkăm pơkă pơm kiơ̆ thoi ei, lu sư pơkăm hloi.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.