Esơra 10:3 - Sơ̆p Hlabơar Nơ̆r 'Bok Kei-Dei

³ Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Esơra 10:3 Iomraidhean Croise

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

II Ho 30:12

Kră Yang 'Bok Kei-Dei kư̆m tơgŭm lu bơngai Juđa pơm ăn kơ lu sư lăp đon 'maih wă pơm kiơ̆ nơ̆r pơtao păng yŏng pơgơ̆r đei tơtă, kiơ̆ thoi nơ̆r Kră Yang.

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

II Ho 34:27

‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Esơra 10:44

Đĭ-đăng bơngai noh iŏk akăn bơngai tơmoi ngăl; lu sư achăng akăn noh păng kon hơ'lơ̆p lu sư. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Esơra 10:9

Lăm pêng năr, đĭ-đăng bơngai drŏ-nglo Juđa, Bênjamin, đĭ-đăng năm akŭm tơ pơlei Jêrusalem, 'blep kơ năr 'bar-jĭt khei tơsĭn; đĭ-đăng kon bơngai hơ-oei cham să 'bơ̆t anăp lăm hnam Kră Yang 'Bok Kei-Dei, hli tơrơ yua kơ tơdrong 'nâu păng yua kơ tơdrong 'mi tih.

Esơra 9:4

Đei lu bơngai băt chu yom nơ̆r Kră Yang 'Bok Kei-Dei đe Isơrael pơma lu sư akŭm tăp dăr kơ inh, lu sư hli kơ tơdrong yoch tih mă lu bơngai 'nao wih brŏk đơ̆ng pơm bơnă đei pơm yoch noh, gah inh ngôi hơ-oei hli tơtơ̆ dĭng truh tơ đei pơyơ̆r tơmam soi kiơ̆ kơsơ̆.

Ne 10:1

'Nâu anăn lu bơngai chơ̆m tơdra pơsĭt lăm pơgơ̆p ei: Nêhêmi pơm kră pơgơ̆r, kon drŏ-nglo Hakalia păng Sêđekia,

Ne 8:14

Lu sư đei 'bôh chih lăm khôi juăt; Kră Yang tơtă kơ Môis khan kơ kon pơlei Isơrael athei oei lăm hnam bơsŭn kơplah pơm giĕng et sa lăm khei tơpơh

Ne 9:38

Mă đei thoi noh, lu nhôn pơm minh tơdrong pơkăm pơkă pơgơ̆p kơjăp sĭt, chih răk lăm sơ̆p hla bơar, lu kră pơgơ̆r, bơngai Lêwi păng 'bok soi lu nhôn gô chơ̆m tơdra pơsĭt.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 119:59

Inh tơchĕng kơ trong inh, inh gơwĕch jơ̆ng inh gah tơdrong juăt Ih.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Both 29:12

Lu iĕm dơ̆ng tơ âu wă yak mơ̆t lăm tơdrong pơgơ̆p Kră Yang 'Bok Kei-Dei iĕm, noh boih tơdrong pơgơ̆p mă Kră Yang 'Bok Kei-Dei iĕm, pơm hăm iĕm năr 'nâu, wă kơ iĕm pơkă wă pơm keh, wă kơ iĕm pơkă wă pơm kiơ̆ thoi đei chih lăm tơdrong pơgơ̆p pơkă Kră Yang.

Jôsuê 9:6

Lu sư năm truh tơ Jôsuê lăm anih tơ Gilgal. Lu sư khan pơma hăm Jôsuê păng lu bơngai Isơrael: Lu nhôn bơngai đơ̆ng dêh ataih, na dang ei apinh lu iĕm hăm bơ̆n pơgơ̆p băl.