Esơra 1:3 - Sơ̆p Hlabơar Nơ̆r 'Bok Kei-Dei

³ Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Esơra 1:3 Iomraidhean Croise

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

Esơra 1:4

Lu bơngai Juđa mă oei arih, mă khan oei tơ yơ, kon pơlei mă tơ anih lu sư oei, athei tơgŭm lu sư hu, maih, mŭk tơmam, sem dơrong, wă pơm hnam akŭm Kră Yang 'Bok Kei-Dei, ưh kơ jô̆ lu tơmam đei pơyơ̆r boih tơ lăm hnam akŭm Kră Yang 'Bok Kei-Dei tơ pơlei Jêrusalem.

Esơra 4:3

Mă-lei Serubabel, Jêsua păng lu yŏng kơdră adrĕch adrung đe Isơrael, tơl khan: Iĕm ưh kơ gơh wang pơm hnam akŭm Kră Yang 'Bok Kei-Dei hăm lu nhôn ôh; mă-lei lăp hơdrô̆ lu nhôn đĕch, pơjing hnam akŭm Kră Yang Kră Yang 'Bok Kei-Dei lu bơngai Isơrael, nhen thoi Sirus, pơtao Phersi đei khan lê̆ boih kơ nhôn.

Esơra 5:13

Mă-lei sơnăm blŭng-a lăm chăl Sirus, pơtao Babilôn, pơtao Sirus athei pơjing pơm ming hnam akŭm Kră Yang 'Bok Kei-Dei.

Esơra 5:3

Lăm kơplah noh, Tatênai pơm 'bok tih pơgơ̆r dêh gah bơmơ̆t đak krong păng Sathar Bôsênai păng đĭ khŭl lu sư bơngai bơ̆jang, năm tơ Jêrusalem chơchă kon pơlei Juđa păng khan kơ lu sư thoi âu: Bu athei iĕm pơm pơjing hnam akŭm âu păng man ming dur pơlei âu?

Esơra 6:7

athei lê̆ 'bok kuan wei-lăng lu bơngai Juđa păng lu bơngai kơdră pơgơ̆r lu sư pơjing hnam akŭm Kră Yang 'Bok Kei-Dei tơ anih so sư.

Horiso 132:13

Yua kơ Kră Yang rơih boih Siôn; Sư wă kơ Siôn jing anih Sư oei:

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 45:5

Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.