Êsêkiên 2:3 - Sơ̆p Hlabơar Nơ̆r 'Bok Kei-Dei

³ Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 2:3 Iomraidhean Croise

II Pot 17:14

Mă-lei lu sư arăng kơ̆l ưh kơ wă mơ̆ng, lei-lăi thoi lu yă 'bok lu sư ưh kơ đei đon lui kơ Kră Yang 'Bok Kei-Dei lu sư.

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

Esơra 9:7

Đơ̆ng chăl 'bok yă lu nhôn truh tơ dang ei, lu nhôn đei pơm yoch tih kơnê̆ tơpă, kơlih kơ tơdrong yoch lu nhôn, kơdih akâu lu nhôn, lu pơtao lu 'bok soi lu nhôn, Ih jao boih lăm tơpang ti lu pơtao dêh nai, pơlôch pơmat lu nhôn, tơgar iŏk tơmam păng pơm pơ'brơh, nhen thoi dang ei.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Êsai 30:1

Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Je 1:7

Mă-lei Kră Yang khan kơ inh: 'Nĕ pơma khan inh oei 'lơ̆p;” yua kơ ih gô năm tơ jơ̆p-jang anih tơ yơ mă Inh wơh ih, ih gô pơma roi dôm nơ̆r mă Inh đei tơbăt ăn kơ ih pơma.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 44:20

Jêrêmi khan kơ đĭ-đăng kon pơlei, drŏ-nglo păng drŏ-kăn, lu bơngai mă 'nao tơl sư thoi kơpal noh hei:

Je 44:21

“Tơdrong lu iĕm, 'bok yă iĕm, lu pơtao, lu 'bok yŏng pơgơ̆r iĕm păng kon pơlei lăm deh char, soh boih nhang 'bâu phu lăm rim pơlei char Juđa păng tơ rok trong pơlei Jêrusalem, Kră Yang ưh kơ 'blŏk ưh kơ tơchĕng hă?

Je 7:2

“Dơ̆ng bĕ 'bơ̆t 'măng jang hnam Kră Yang, roi tơdrong 'nâu: ‘Mơ̆ng bĕ nơ̆r Kră Yang khan 'nâu: Ơ đĭ-đăng adrĕch Juđa lu bơngai mă mơ̆t trong 'măng jang 'nâu wă kơkuh kơ Kră Yang.’ ”

Êsêkiên 17:12

“Khan bĕ kơ lu adrĕch 'maih blah plơ̆ noh: ‘Lu iĕm ưh kơ băt tơdrong noh wă khan kiơ hă?’ Khan kơ lu sư: ‘Pơtao Babilôn năm truh boih tơ Jêrusalem, rôp boih pơtao păng lu kră pơlei chông ba hăm sư tơ Babilôn.

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Am 7:15

Kră Yang iŏk inh đơ̆ng anih wei triu păng khan kơ inh: Ih năm khan lê̆ adrol bĕ kơ kon pơlei Isơrael inh.

Malachi 3:7

Iŏk đơ̆ng năr lu 'bok yă iĕm, lu iĕm ưh pă chu yom wei răk păng achăng khôi juăt Inh. Wih tơ Inh bĕ, na Inh kư̆m gô wih tơ lu iĕm,” Kră Yang Tih Hloh khan thoi noh. Mă-lei lu iĕm khan: “Lu nhôn gô wih liơ?

Jo 20:10

Môis păng Arôn krao akŭm kon pơlei năm dơ̆ng 'bơ̆t anăp tơmo noh păng khan: Ơ kon pơlei arăng kơ̆l! Mơ̆ng bĕ! Nhi hăm gơh pơm ăn kơ tơmo 'nâu đei đak lĕch ăn kơ iĕm hă?

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Rom 10:15

Kră Yang ưh kơ đei wơh đe năm bơtho, thoi yơ đe gơh năm bơtho adrol? Mă-lei Sư đei wơh đe năm bơtho boih, yua kơ hla bơar Sư đei roi thoi âu: “Bơ̆n 'bôh đe bơtho tơdrong 'nao 'lơ̆ng jơhngơ̆m bơ̆n hiôk dêh iih?”

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Both 9:27

Apinh Ih 'blŏk kơ lu đĭch đam Ih, Abraham, Isăk păng Jakôp; păng 'nĕ pă jô̆ dôm tơdrong kơ chu arăng kơ̆l, tơdrong yoch kơnê̆ lu kon pơlei 'nâu.