Êsêkiên 2:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ inh: “Ơ kon bơngai, dơ̆ng bĕ 'bơ̆t jơ̆ng ih, Inh gô khan kơ ih.

Êsêkiên 2:1 Iomraidhean Croise

Horiso 8:4

Kon bơngai noh kiơ na Ih mah tơchĕng 'blŏk? Kon bơngai noh kiơ, na Ih mah wei wêr sư.

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Êsêkiên 13:2

“Ơ kon bơngai, khan lê̆ adrol bĕ wă kơ plơ̆ ayăt kơ lu 'bok khan lê̆ adrol bơngai Isơrael mă oei khan lê̆ adrol kiơ̆ kơ lu sư tơchĕng kơdih. Khan kơ lu sư: ‘Athei mơ̆ng bĕ nơ̆r Kră Yang!

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 15:2

“Ơ kon bơngai, 'long hơmu sư hăm yua hloh kơ lu dơng tơ'bla 'long nai tơ lăm bri ưh?

Êsêkiên 16:2

“Ơ kon bơngai, athei tơbăt kơ Jêrusalem tơdrong lu sư pơm kơnê̆ krưp.

Êsêkiên 17:2

“Ơ kon bơngai, athei pơpơn, pơma pơđơ̆k păng pơtih gia kơ lu adrĕch Isơrael.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Êsêkiên 2:8

Mă-lei ih, ơ kon bơngai, mơ̆ng bĕ Inh khan kơ ih; 'nĕ kơ ayăt thoi lu adrĕch adrung noh, ha bĕ 'bơ̆r ih păng sa tơdrong kiơ mă Inh ăn kơ ih.”

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Êsêkiên 3:1

Sư khan kơ inh: “Ơ kon bơngai, sa bĕ tơmam mă ih 'bôh 'bơ̆t anăp; sa bĕ sơnôm hla bơar âu păng năm, khan kơ adrĕch Isơrael.”

Êsêkiên 3:10

Sư khan dơ̆ng kơ inh: “Ơ kon bơngai, mơ̆ng bĕ mă nhen, iŏk bĕ lăm jơhngơ̆m dôm nơ̆r Inh pơma khan kơ ih.

Êsêkiên 3:17

“Ơ kon bơngai, Inh ăn kơ ih jing bơngai wei-lăng lu adrĕch Isơrael; mưh ih kơtơ̆ng nơ̆r Inh khan, ih athei năm roi tơbăt kơ lu sư nơ̆r mă Inh pơkă kơ lu sư athei kơchăng.

Êsêkiên 3:4

Na Sư khan kơ inh: “Ơ kon bơngai, năm bĕ tơ adrĕch Isơrael, năm roi nơ̆r Inh kơ lu sư.

Êsêkiên 37:3

Kră Yang khan kơ inh: “Ơ kon bơngai, lu kơting âu hăm oei gơh arih dah ưh?” Inh tơl: “Ơ Kră Yang Ih đĕch băt tơdrong noh!”

Êsêkiên 4:1

“Na ơ kon bơngai, iŏk minh hlak gŏch, dan gŏch noh 'bơ̆t anăp ih păng chhơ̆ rup pơlei Jêrusalem kơpal gŏch noh.

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Êsêkiên 43:18

Sư pơma hăm inh: “Ơ kon bơngai, Kră Yang khan thoi âu: Âu boih khôi juăt gah chơnang soi mưh pơm keh yua wă pơyơ̆r tơmam soi 'buh păng tơtreh pham kơpal ei.

Êsêkiên 5:1

Gah ih, ơ kon bơngai, iŏk bĕ đao han, yua sư pơm săng hơkôih, hơkôih bĕ sŏk kơ̆l păng sŏk kang ih, iŏk 'long kŏng, na kŏng klah asong sŏk ih.

Êsêkiên 7:2

“Ơ kon bơngai, 'nâu nơ̆r Kră Yang Tih Hloh khan kơ dêh char Isơrael: 'Nâu tơdrong tôch truh bơih! Tơdrong răm truh boih tơ puăn pah mum kơ dêh char.

Da 10:11

Đơ̆ng noh, bơngai noh khan kơ inh thoi âu: Ơ Đaniel, bơngai mă Kră Yang 'Bok Kei-Dei 'mêm kơeng tơpă, ih athei băt hlôh bĕ nơ̆r mă inh đei pơma hăm ih. Kơplah đei bơngai pơma kơ inh nơ̆r ei, inh iung păng hli tơtơ̆.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Da 8:17

Sư năm jê̆ inh oei dơ̆ng, kơplah sư truh tơ inh, inh hli păng lăng krưp, na inh pơ̆k kơmŭ brum tơ teh. Bơngai noh khan thoi âu: Ơ kon bơngai, ih athei hlôh bĕ; yua kơ tơdrong tơ'bôh noh sư trŏ kơ năr tôch kơnh.

Mathiơ 17:7

Yêsu năm tơiung lu sư păng khan: “Iung bĕ, huay kơ hli ôh.”

Yo 3:13

Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Jang 26:16

Ih iung wăi. Inh năm tơ ih wă kơ ih jang tơdrong Inh. Ih athei roi kơ đe tơdrong ih 'bôh Inh năr âu boih. Ih gô 'bôh Inh dơ̆ng hăm kư̆m roi tơdrong ih 'bôh Inh hăm dôm tơdrong Inh tơbăt ăn kơ ih.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”