Êsêkiên 13:3 - Sơ̆p Hlabơar Nơ̆r 'Bok Kei-Dei

³ Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

Êsêkiên 13:3 Iomraidhean Croise

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Tơdrông Pơđơk 15:14

Jơhngơ̆m bơngai gơh hơgei oei chă tơdrong hlôh wao. Mă-lei 'bơ̆r lu bơngai kư̆ kă chă luăn sa tơdrong bơlŭk.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Luka 11:40

Ô iĕm bơngai kơhlôh, mă tơ 'ngoaih mă tơ lăm, 'Bok Kei-Dei pơjing iĕm ngăl dah kiơ?

Sa 11:15

Kră Yang khan kơ inh thoi âu: “Iŏk bĕ kơ ih kơdih dôm lu tơmam đơ̆ng lu bơngai wei triu ưh kơ brĕ.

Êsêkiên 13:18

Na khan kơ lu sư: ‘'Nâu nơ̆r Kră Yang Tih Hloh khan: Răm-'băm kơ lu drŏ-kăn mă kơ̆t che tơwir rơhưch tơ ti păng pơm khăn che tôm tĕch să iĕ gom tơ kơ̆l đe wă chă rôp bơhngol. Lu iĕm wă chă rôp bơhngol kon pơlei Inh, mă-lei wă rong bơhngol iĕm hiôk hă?

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

II Tim 3:9

Lu bơngai ei đe ưh kơ đei kiơ̆ lu sư lơ ôh, yua kơ đĭ-đăng bơngai gô 'bôh lu sư chă pơngiĕl đe đĕch. Thoi noh na đe ưh kơ wă kiơ̆ lu sư kư̆m lei-lăi thoi đe 'bôh bre Jannơ păng Jambrơ chă pơsôr wă kơ đe lui kơ bre sư sơ̆.

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 28:15

Đơ̆ng noh Jêrêmi 'bok khan lê̆ adrol khan kơ Hanania 'bok khan lê̆ adrol: “Ơ Hanania, mơ̆ng bĕ, Kră Yang ưh kơ đei wơh ih ôh, mă-lei ih pơm kơ kon pơlei 'nâu gơnang kơ nơ̆r ih hơlĕnh.

Êsêkiên 13:4

Ơ bơngai Isơrael, lu 'bok khan lê̆ adrol iĕm ưh kơ yua kơ kiơ nhen thoi mơja oei lăm anih pơchah pơchek.

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.