Êsêkiên 1:3 - Sơ̆p Hlabơar Nơ̆r 'Bok Kei-Dei

³ Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Êsêkiên 1:3 Iomraidhean Croise

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

II Pot 3:15

Mă-lei dang ei, ba kơ inh minh 'nu bơngai gơh reh brŏ dung bĕ:” Kơplah bơngai ei oei reh brŏ dung na tơdrong mơsêh Kră Yang jur oei hơdai hăm Êlisê.

Horiso 137:1

Lu nhôn oei ngôi cheng đak glung Babilôn. 'Blŏk kơ Siôn, na nhơ̆m.

Je 1:2

Kră Yang khan kơ sư lăm sơnăm mơjĭt-pêng kơplah Jôsia, kon drŏ-nglo Ammôn pơgơ̆r pơm pơtao đe Juđa.

Je 1:4

Kră Yang khan kơ inh thoi âu:

Je 29:15

Lu iĕm khan: “Kră Yang đei ăn boih kơ lu bơ̆n 'bok khan lê̆ adrol tơ char Babilôn!”

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Êsêkiên 10:15

Lu chêrubim păr tŏk. Noh lu kon sem arih mă inh đei 'bôh 'bơ̆t krong Kêbar.

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Êsêkiên 3:15

Inh năm truh tơ anih lu bơngai đe pơpuh oei tơ pơlei Têlabip, jê̆ tơ đak krong Kêbar inh dơ̆ng lăm anih lu sư oei păng inh oei hơdai lu sư tơpơh năr hăm jơhngơ̆m sơ'ngon hơwơ̆l hơwang.

Êsêkiên 3:22

Tơ noh ti Kră Yang dan kơpal inh, Kră Yang khan kơ inh: “Iung bĕ năm tơ teh thŭng dơnă Inh gô khan kơ ih tơ noh.”

Êsêkiên 3:23

Na inh iung năm tơ teh thŭng dơnă; tơdrong ư-ang rang mơnhal Kră Yang oei tơ noh thoi ư-ang rang mơnhal mă inh đei 'bôh tơ đak krong Kêbar, păng inh kŭp muh măt tơ teh.

Êsêkiên 33:22

Ti Kră Yang dan kơpal inh gah kơsơ̆ adrol kơ bơngai năm roi noh truh; Sư ăn kơ inh gơh pơma dơ̆ng adrol kơ bơngai noh truh tơ inh kiơ̆ pơgê, 'bơ̆r inh gơh pơma pă kơmlo dơ̆ng.

Êsêkiên 37:1

Ti Kră Yang dan kơpal inh; Yang Bơhngol Kră Yang chông ba inh na tơoei inh tŏk-bŏk thŭng dơnă 'bĕnh kơ kơting.

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Êsêkiên 43:3

Tơdrong mă inh 'bôh nhen thoi tơdrong mă tơ'bôh kơ inh kơplah Kră Yang pơrăm pơlei. Noh kư̆m nhen thoi tơdrong tơ'bôh kơ inh 'bơ̆t jih đak krong Kêbar, na inh drap bon tơ teh.

Êsêkiên 8:1

Lăm sơnăm tăl mă tơdrâu, năr pơđăm khei tơdrâu, kơplah inh oei hơ-oei lăm hnam, lu kră pơlei Juđa, oei 'bơ̆t anăp inh, tơpang ti Kră Yang tih hloh tơ'bôh kơ inh.

Da 10:4

Năr mă 'bar-jĭt puăn khei mônh, inh oei cheng glung tih Hideke.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Jôel 1:1

'Nâu nơ̆r Kră Yang khan kơ Jôel, kon drŏ-nglo Pêthuel:

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.