Êsai 9:4 - Sơ̆p Hlabơar Nơ̆r 'Bok Kei-Dei

⁴ Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Êsai 9:4 Iomraidhean Croise

Bl 27:40

E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

Horiso 125:3

Yua kơ 'long jra lu bơngai kơnê̆ ưh kơ gơh pơgơ̆r lu bơngai 'lơ̆ng tơpăt, Wă kơ ti lu bơngai tơpăt huay kơ pơm tơ tơdrong kơnê̆.

Horiso 81:6

“Inh hơleh boih tung trăp đơ̆ng hơngiĕng lu iĕm; ti lu iĕm tơplôch boih đơ̆ng chĕp bai.

Êsai 10:16

Thoi noh Kră Yang Tih Hloh, gô tơjur ăn tơdrong jĭ iôr hiang kơ lu linh pran kơtang sư. Đơ̆ng tơdrong pơang sư, ŭnh gô sa nhen thoi pla ŭnh sa.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Êsai 16:4

Lê̆ lu bơngai Môap mă đe puh tơweh oei hơdai ih. Ăn kơ lu sư chă ôn kơ'nơp đơ̆ng đe wă pơrăm lu sư. Lu bơngai pơjuă pơđep gô pă đei, tơdrong pơrăm gô tôch đĭ. Lu bơngai chă plah tơgar iŏk gô hiong đĭ đơ̆ng teh âu.”

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Êsai 52:2

Ơ pơlei Jêrusalem, iung tơtuh 'bruih 'brăm đơ̆ng ih bĕ, păng iung pơgơ̆r; ơ kon adruh Siôn, bơngai bơnă, plôh yaih bĕ tơlei đe chô̆ đơ̆ng hơko iĕm.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 30:8

Kră Yang Tih Hloh khan: “Lăm năr noh Inh gô gơ̆ lê̆ 'long ăt đơ̆ng ako lu sư; păng hrĕch lê̆ tơlei đêl đe chô̆ lu sư, ưh pă pơm đĭch kơ dêh tơmoi dơ̆ng;

Je 48:17

Nhơ̆m hmoi bĕ kơ sư, ơ lu dêh char oei tăp dăr kơ sư, đĭ-đăng bơngai kơtơ̆ng ang anăn sư; khan bĕ; liơ 'long jra pơtao pran kơtang tơgơ̆ boih, 'long jra mă đe ư-ang noh tơgơ̆ răm!

Lêwi 26:13

Inh jing Kră Yang, 'Bok Kei-Dei lu iĕm, Tơ'ngla mă chông anhăk iĕm lĕch jăk đơ̆ng char Êyiptơ, wă kơ iĕm klaih đơ̆ng pơm đĭch đam đe; Inh hlôi gơ̆ lê̆ 'long ăt đơ̆ng lu iĕm păng ăn kơ lu iĕm yak ngơk tơpăt.

Na 1:13

Dang ei Inh gô gơ̆ 'long ăt pơm đĭch sư đơ̆ng lu iĕm păng hrĕch lê̆ tơlei glang đơ̆ng iĕm.