Êsai 9:2 - Sơ̆p Hlabơar Nơ̆r 'Bok Kei-Dei

² Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Êsai 9:2 Iomraidhean Croise

Jop 10:21

Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

Horiso 107:10

Đei lu bơngai oei lăm măng mu păng yơ̆p tơdrong lôch. Đei lu bơnă pơmat-tat păng oei chô̆ hăm glang mam.

Horiso 107:14

Sư dui iŏk lu sư đơ̆ng lăm măng mu păng yơ̆p tơdrong lôch. Kŭm hrĕch lê̆ glang đêl chô̆ lu sư.

Horiso 23:4

Mă inh năm lăm thŭng yơ̆p tơdrong lôch, inh ưh kơ hli kơ răm, yua kơ Kră Yang oei hăm inh; 'long băl hăm 'long jra Ih pơlung inh.

Horiso 4:8

Ơ Kră Yang, inh gô 'bĭch păng tep hiôk-hian; Yua kơ lăp minh 'nu Ih đĕch ăn kơ inh oei hiôk rơnŭk.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 9:1

Kon pơlei năm lăm măng mu 'bôh bơih tơdrong hơdah tih; păng tơdrong hơdah pơchrang bơih kơ lu bơngai oei lăm dêh măng mu gueo.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Lu 5:30

‘Băt lu sư chă đei iŏk tơmam kiơ na dang ei lu sư oei chă klah asong dih băl tơmam noh kơlĕ? Minh 'bar 'nu drŏ-kăn chă ăn kơ rim 'nu bơngai linh drŏ-nglo, minh blah che jơk lu tơmam tơgar iŏk, Lu tơmam tơgar iŏk đei che tong đak jơk 'măn kơ Sisêra. Lu che đei reng păng tong đak 'lơ̆ng, hăm trŏ đei 'bar blah reng păng tong đak 'lơ̆ng gô pơm che 'băk tơ hơko ăn kơ inh.’