Êsai 8:6 - Sơ̆p Hlabơar Nơ̆r 'Bok Kei-Dei

⁶ “Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.

Êsai 8:6 Iomraidhean Croise

I Pot 7:16

Sư tuh pơm kơ̆l 'bar tŏ jrăng hăm kong sư pơdơ̆ng kơpal jrăng, kơjung kơ̆l jrăng noh pơđăm hơgăt mă jrăng gah to pơđăm hơgăt mơ̆n.

Ne 3:15

Sallum kon drŏ-nglo Kôlhôse pơgơ̆r tơring Mispa, hơmet 'măng jang đak Hơlŭng sư man bơbŭng đei tơnang 'măng păng chơkăl kư̆m man dur dơnâu Sêlô jê̆ pơgar pơkao pơtao păng truh tơ jơ̆ng kung jur đơ̆ng pơlei Đawit.

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Êsai 28:2

'Nâu, Kră Yang đei minh 'nu bơngai pran kơtang. Nhen thoi kial hơbŭt 'mi prĕl, nhen kial bah pơrăm, nhen đak tih blai kơ thong. Sư gô klơ̆m tơhuŏng lê̆ sư tơ teh.

Êsai 30:12

Thoi noh na Tơ'ngla 'Lơ̆ng Rơgoh đe Isơrael pơma khan: “Yua kơ lu iĕm sơngah achăng lê̆ nơ̆r âu, gơnang kơ tơdrong pơjuă pơđep, gơnang kơ tơdrong đŏng đĕo.

Êsai 5:24

Lei na nhen thoi pla ŭnh sa tơm hơnong 'ba, thoi 'nhĕt kro mơ̆t lăm pla ŭnh. Na rơh lu sư kư̆m bŭk hĕch păng pơkao plei lu sư đông thoi 'mui teh; yua kơ lu sư sơngah tŭk lê̆ khôi juăt Kră Yang Tih Hloh păng pơjăm nơ̆r Kră Yang 'Lơ̆ng Rơgoh Isơrael.

Êsai 7:4

Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Êsai 7:6

“Bĕ bơ̆n năm tŏk blah char Juđa, pơm kơ sư hli tơrơ blah iŏk char noh asong băl bơ̆n, pôk kon drŏ-nglo Tabel pơm pơtao lu sư tơ noh.”

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Êsai 8:5

Kră Yang khan dơ̆ng kơ inh:

Je 18:14

Kông Liban. Hăm đei layơ prĕl ưh kơ gom? Đak tơngiĕt ro rok tơmo cheng kông hăm đei oei ro khan hrơ̆ đĭ hă?

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Luka 13:4

Pơtih gia dơ̆ng, lu mơjĭt-tơhngam 'nu mă lôch kơ hnam kơjung tơgơ̆ sơ̆ jê̆ đak dơnâu Silôm, iĕm tơchĕng lu sư bơngai yoch hloh 'biơ̆ kơ tơduă lu sư bơngai Jêrusalem dah kiơ?

Yo 9:7

Na Yêsu khan kơ sư: “Năm bĕ ih, năm 'nhao măt ih tơ đak dơnâu mă đe anăn dơnâu Silôm.” (Silôm wă khan đak klang đơ̆ng nai ro tơ dơnâu Silôm.) Na sư năm 'nhao hloi tơ đak dơnâu ei. Klaih kơ noh sư brŏk tơ hnam sư kơdih, sư gơh 'bôh hơdah boih.