Êsai 8:10 - Sơ̆p Hlabơar Nơ̆r 'Bok Kei-Dei

¹⁰ Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Êsai 8:10 Iomraidhean Croise

Bl 21:22

Lăm char noh, pơtao Abimêlek hăm Pikôl, kră pơgơ̆r linh sư, khan kơ Abraham thoi âu: “Kră Yang 'Bok Kei-Dei kư̆m tơgŭm ih lăm dôm tơdrong ih jang.

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Sam 17:4

Apsalôm păng lu bơngai kră Isơrael iŏk kiơ̆ nơ̆r noh khan 'lơ̆ng.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

Jop 5:12

Sư pơrăm lê̆ tơdrong lu bơngai kơnê̆ chă đon wă pơm. Ăn kơ tơdrong kiơ ti lu sư wă pơm ưh kơ jing.

Horiso 21:12

Ih gô pơm ăn kơ lu sư kơdâu tơ rŏng Ih gŭt hră Ih rĕng tơ lu sư,

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Horiso 46:8

Lăng bĕ dôm tơdrong jang Kră Yang. Tơdrong sư pơrăm, boih tơ teh đak âu?

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Êsai 8:8

Ro blai mơ̆t tơ char Juđa, dĭng lơ̆p truh tơ hơko. Ơ Êmanuel! Pơnăr Sư gô bơyar jơ̆p kơ dêh ih.”

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 42:11

'Nĕ kơ hli kơ pơtao Babilôn, bơngai mă lu iĕm oei hli.’ ” Kră Yang khan: “'Nĕ pă hli dơ̆ng, yua kơ Inh oei hơdai iĕm gô dŏng pơklaih iĕm đơ̆ng ti sư.

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Jôel 3:9

Ră roi bĕ tơdrong âu jơ̆p kơ teh đak đe. Hơmet bĕ tơdrong tơblah, pơdrŭt jơhngơ̆m lu linh pran kơtang iung blah. Ăn kơ đĭ-đăng lu linh gơh tơblah năm tơ anăp bĕ, ăn kơ lu sư blah!

Hagai 1:13

Hagai bơngai Kră Yang wơh năm na khan tơbăt kơ kon pơlei kiơ̆ thoi nơ̆r Kră Yang bơtho tơbăt thoi âu: “Inh oei hơdai lu iĕm,” Kră Yang khan thoi noh.

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Rom 8:13

Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.