Êsai 7:3 - Sơ̆p Hlabơar Nơ̆r 'Bok Kei-Dei

³ Kră Yang khan kơ Êsai: “Ih hăm kon drŏ-nglo ih Sêar Jasup năm sơng bĕ Ahas 'bơ̆t tôch kơ hơbong đak ro mơ̆t tơ Dơnâu Kơpơ̆ng, trong năm tơ dơnih đak bơngai tong brai.

Êsai 7:3 Iomraidhean Croise

II Pot 16:1

Lăm sơnăm mă mơjĭt-tơpơh, chăl Pêka, kon drŏ-nglo Rêmalia pơgơ̆r, na Ahas, kon drŏ-nglo Jôtham, tŏk pơm pơtao đe Juđa.

II Pot 18:17

Mă-lei, pơtao đe Asiri wơh Tartan, Rapsaris păng Rapsaka chông ba minh khŭl linh lơ đơ̆ng pơlei Lakis, năm tơ Hesekia tơ pơlei Jêrusalem lu sư truh tơ pơlei Jêrusalem. Truh bơih lu sư dơ̆ng 'bơ̆t hơbong đak ro mơ̆t tơ Dơnâu Kơpơ̆ng, wă khan trong năm tơ anih lu bơngai juăt kơ pih sa.

II Pot 20:20

Dôm lu tơdrong hơ'mon nai gah Hesekia, tơdrong pơgơ̆r, tơdrong sư man pơm đak dơnâu păng pơm hơbong pơro đak tơmơ̆t lăm pơlei, đe đei chih tơ lăm sơ̆p hla bơar hơ'mon gah lu pơtao đe Juđa?

Ne 3:16

Tơtil bơngai noh Nêhêmi, kon drŏ-nglo Asbuk pơgơ̆r minh puăt tơring Bêt Sur, man hơmet dur truh tơ bơsat Đawit, truh tơ đak dơnâu đe pơm păng truh tơ hnam lu bơngai nuih kơtang.

Le 7:15

Pơgê dơning Pharaôn sư gô lĕch ngôi tơ đak krong, ih athei năm 'bơ̆t anăp sư tơ cheng đak krong păng chĕp ba 'long jra mă jing 'bih noh.

Êsai 10:21

Dôm lu bơngai mă oei arih gô wih brŏk. Dôm lu bơngai adrĕch Jakôp noh gô wih brŏk tơ Kră Yang 'Bok Kei-Dei Mơsêh Mơyang.

Êsai 22:10

Lu iĕm jô̆ hnam lăm pơlei Jêrusalem, teh pơchah lu hnam noh, wă hơmet ming dur pơlei kơjăp.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 36:2

Pơtao dêh char Asiri wơh 'bok yŏng anăn sư Rapsaka hăm lu linh sư lơ, đơ̆ng pơlei Lakis truh tơ Jêrusalem wă kơ pơtao Hesekia yơ̆r ti kiơ̆ Sư, Rapsaka dơ̆ng 'bơ̆t hơbong đak ro mơ̆t tơ Dơnâu kơpơ̆ng, trong năm tơ dơnih đak lu bơngai tong brai.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Je 22:1

Kră Yang khan thoi âu: “Jur năm bĕ tơ hnam pơtao Juđa, roi kơ sư tơdrong âu:

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,