Êsai 7:1 - Sơ̆p Hlabơar Nơ̆r 'Bok Kei-Dei

¹ Lăm chăl Ahas kon Jôtham, sâu Usia pơtao char Juđa, đei Rêsin, pơtao dêh char Siri păng Pêka kon Rômalia pơtao Isơrael, tŏk blah pơlei Jêrusalem mă-lei ưh kơ kĕ.

Êsai 7:1 Iomraidhean Croise

II Pot 15:25

Pêka kon drŏ-nglo Rêmalia, yŏng linh pơtao, chă đon wă pơm kơnê̆ kơ sư, hơdai hăm pơđăm-jĭt 'nu đơ̆ng tơring Gileat, blah kơđông kơjăp tơ Pơlei Samari, pơlôch sư hơdai hăm Argôp, Arie na sư tŏk pơm pơtao tơplih Pêkahia.

II Pot 15:27

Lăm sơnăm mă pơđăm-jĭt 'bar, chăl Asaria, pơtao đe Juđa pơgơ̆r, na Pêka, kon drŏ-nglo Rêmalia, tŏk pơm pơtao đe Isơrael lăm Pơlei Samari păng sư pơgơ̆r 'bar-jĭt sơnăm.

II Pot 15:37

Kơplah noh, Kră Yang ăn kơ Rêsin, pơtao Aram păng Pêka, kon drŏ-nglo Rêmalia, năm wang blah Juđa.

II Pot 16:1

Lăm sơnăm mă mơjĭt-tơpơh, chăl Pêka, kon drŏ-nglo Rêmalia pơgơ̆r, na Ahas, kon drŏ-nglo Jôtham, tŏk pơm pơtao đe Juđa.

II Pot 16:5

Kơplah ei, Rêsin, pơtao đe Aram păng Pêka, kon drŏ-nglo Ramalia, pơtao đe Isơrael bre sư năm, wă tơblah hăm Pơlei Jêrusalem; lu sư bơwang Ahas, mă-lei lu sư ưh kơ kĕ kơ pơtao ei.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Êsai 8:6

“Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.

Êsai 9:11

Kon pơlei Siri, tơ anăp, kon pơlei Philistin gah rŏng ha 'bơ̆r gô luăn sa Isơrael, mă đơ̆ng lei ră, tơdrong Kră Yang hil ưh kơ ngach ôh păng ti Kră Yang oei yơ̆r tơ kơpal pơm kơ lu sư.

Êsêkiên 27:16

Lu bơngai char Siri mơdro hăm ih yua kơ ih đei mŭk tơmam lơ; lu sư iŏk tơmo jơmŏng, che rang, tơmam reng, che 'bui, che brai se, tơmo gĭt tơplih iŏk tơmam ih.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.