Êsai 6:2 - Sơ̆p Hlabơar Nơ̆r 'Bok Kei-Dei

² Tơ kơpal Kră Yang; đei lu Seraphim rim Sêraphim đei tơdrâu hlak pơnăr, 'bar pah pơnăr sư pĕng muh măt, 'bar pah pơnăr pĕng jơ̆ng păng 'bar pah pơnăr dơ̆ng yua wă păr.

Êsai 6:2 Iomraidhean Croise

Bl 17:3

Abram drap bon tơ teh, Kră Yang 'Bok Kei-Dei khan kơ Abram thoi âu:

I Pot 19:13

Lăp Êli kơtơ̆ng nơ̆r pơma 'noh sư iŏk ao tai gom muh măt sư, păng lĕch dơ̆ng 'bơ̆t 'măng hơgơp tơmo. Đei nơ̆r khan kơ sư, “Ơ Êli, ih pơm kiơ tơ âu?”

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

I Pot 6:24

Minh pah pơnăr chêrubim să 'bar hlok minh puăt, minh pah dơ̆ng kư̆m 'bar hlok minh puăt, na đơ̆ng pah âu truh tơ jih pah to pơnăr đei pơđăm hlok.

I Pot 6:27

Sôlômôn dan lê̆ 'bar tŏ rup chêrubim oei bơyar pơnăr noh lăm Anih Rơgoh Hloh lăm Hnam akŭm. Minh pah pơnăr pah âu hơtŭt kơ tơnăr pah âu, minh pah pơnăr pah to hơtŭt kơ tơnăr pah to, 'bar pah pơnăr tơ'bưh băl tŏk-bŏk lăm Anih Rơgoh Hloh.

I Pot 8:7

Dôm lu chêrubim bơyar pơnăr kơpal Hom Pơgơ̆p, sư klơ̆p lê̆ Hom Pơgơ̆p păng 'long tơnung tung.

Ne 9:6

Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Jop 1:6

Lăm minh năr ei lu linh jang năm akŭm 'bơ̆t anăp Kră Yang păng Satanb kư̆m năm hăm lu sư mơ̆n.

Jop 15:15

Kră Yang 'Bok Kei-Dei kư̆m ưh kơ ngeh, mă lu linh jang 'lơ̆ng rơgoh Sư. Lu linh jang Sư lăng kư̆m oei jô̆ glăi.

Jop 4:18

Mă lu đĭch đam Sư, Sư kư̆m ưh kơ ngeh. Lu Lĭnh Jang, Sư kư̆m oei jô̆ glăi.

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Horiso 18:10

Sư hao chêrubim, na păr; Sư păr đông hăm pơnăr jơwa kial.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Le 25:20

'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 37:9

Rup chêrubim bơyar pơnăr sư kơpal tơnglơ̆p tơdrong 'mêm mơnat, muh măt tơwih tơklă băl, muh măt chêrubim lăng Tơ Anih Tơdrong 'Mêm Mơnat.

Êsai 6:6

Kơplah noh đei minh pôm lăm lu Sêraphim păr năm tơ inh, ti sư chĕp ngar ŭnh ngŭr kep iŏk đơ̆ng anih chơnang soi hăm mam kep.

Êsêkiên 1:11

Muh măt lu sư thoi noh. Pơnăr tưk kơjung rim lu sư đei 'bar 'bar hlak pơnăr lu sư bơyar tơ'bưh băl păng 'bar hlak pơnăr to pĕng akâu.

Êsêkiên 1:24

Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Êsêkiên 1:6

Rim kơ lu sư đei puăn tŏ muh măt păng puăn tŏ pơnăr.

Êsêkiên 1:9

Pơnăr lu sư tơ'bưh dih băl. Rim kơ lu sư năm tơpăt anăp kiơ̆ kơ muh măt, akâu ưh kơ weh-woh.

Êsêkiên 10:16

Mưh lu chêrubim năm, lu tang-wang gre kư̆m năm kiơ̆ cheng; mưh lu chêrubim bơyar pơnăr păr đơ̆ng teh tơ kơpal, lu tang-wang gre ưh kơ dăr weh đơ̆ng cheng lu sư ôh.

Êsêkiên 10:21

Rim chêrubim đei puăn pah muh măt păng puăn pah pơnăr, ala kơ lu pơnăr đei hơbŏ thoi ti kon bơngai.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Sa 3:4

Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

Luka 1:10

Kơplah Sachari mơ̆t soh 'long pơgang lăm hnam 'Bok Kei-Dei na lu kon pơlei pơla oei krao khan tơ 'ngoaih.

Hêbrơ 1:7

Na Sư khan dơ̆ng gah lu linh jang Sư khan: “Inh ăn kơ lu linh jang mă pơm đam Inh, jang hơbĕch dang kial hơbal dang pla ŭnh.”

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”

Tơdrông Tơ'bôh 7:11

Klaih kơ noh đĭ kơ lu linh jang 'lơ̆ng dơ̆ng tăp dăr kơ tang-dŏ 'Bok Pơtao, tăp dăr kơ 'bar-jĭt puăn 'nu lu đe kră păng tăp dăr kơ puăn anăn sem noh, đĭ lu sư 'nap kơkuh kơ 'Bok Kei-Dei mă oei tơ tang-dŏ khan:

Tơdrông Tơ'bôh 8:13

Inh 'bôh păng kơtơ̆ng minh pôm sem klang păr tŏk-bŏk rơwơ̆ng ti, sư pơma 'bơ̆r re khan: “Ô glăi, ô glăi, ô glăi, lu bơngai mă oei tơ teh, pă 'biơ̆ pêng 'nu linh jang 'lơ̆ng hlôm keng wă pơrăm iĕm.”