Êsai 6:1 - Sơ̆p Hlabơar Nơ̆r 'Bok Kei-Dei

¹ Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Êsai 6:1 Iomraidhean Croise

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

II Pot 15:7

Asaria lôch thoi tep hiôk hăm lu 'bok kơdră sư păng đe 'bŭ sư hơdai hăm lu 'bok kơdră sư tơ pơlei Đawit. Jôtham, kon drŏ-nglo sư tŏk pơm pơtao pơgơ̆r pơtrơp sư.

II Ho 18:18

Mikaia pơma dơ̆ng: “Thoi ei mơ̆ng bĕ nơ̆r Kră Yang khan: Inh 'bôh Kră Yang hơ-oei tơ kơpal tang-dŏ pơtao Sư, lu linh jang đĭ-đăng dơ̆ng kơkuh 'bar pah gah 'ma păng gah 'ngiĕo.

Jop 42:5

Adrol sơ̆ đon inh lăp kơtơ̆ng ang gah Kră Yang, Mă-lei dang ei, măt inh 'bôh Ih bơih.

Horiso 108:5

Ơ Kră Yang, ăn kơ anăn ih đe pơyom kơjung hloh kơ plĕnh; Ăn tơdrong ư-ang Ih tơ jơ̆p kơpal teh đak!

Horiso 113:5

Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Le 24:9

Klaih kơ noh Môis Arôn, Nađap, Abihu hơdai păng tơpơh-jĭt 'nu kră wei-lăng bơngai Isơrael đĭ-đăng lu sư tŏk tơ kông.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Êsêkiên 10:1

Inh 'bôh tơ rơwơ̆ng mă tơ kơpal kơ̆l chêrubim đei kiơ noh rang nhen thoi tơmo gĭt lăng hơbŏ thoi tang-dŏ pơtao.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Da 10:17

Thoi yơ inh âu đĭch đam Ih, mă gơh pơma hăm ih yŏng tơ'ngla inh? Yua kơ gah inh, pă đei jơhngơ̆m pran boih lăm jơhngơ̆m inh păng kư̆m pă đei kial dui jơhngơ̆m boih!

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:2

Na Yang Bơhngol 'Lơ̆ng pơm kơ inh ưh kơ băt thoi yơ, 'bôh 'băi tơ kơpal plĕnh boih. Na inh 'bôh tang-dŏ 'lơ̆ng rŏ tơ plĕnh ei, tang-dŏ ei đei minh 'nu oei.

Tơdrông Tơ'bôh 4:3

'Bok mă oei tơ tang-dŏ ei inh lăng Sư dang tơmo rang mơnhal, tăp dăr kơ tang-dŏ Sư oei ei đei hơdah jơk thoi plĕnh chro.

Tơdrông Tơ'bôh 4:9

Rim wơ̆t lu sem brem ei hơri ư-ang 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch,

Tơdrông Tơ'bôh 5:1

Păng inh 'bôh 'Bok Kei-Dei oei tơ tang-dŏ Sư, ti Sư gah 'ma chĕp minh sơnôm hla bơar, hla bơar ei chih 'bar pah rŏng klak na lôm pơklep sư tơpơh 'măng pơklep, wă kơ băt tơdra hli kơ đe hek lăng.

Tơdrông Tơ'bôh 5:7

Na Kon Triu ei Sư năm iŏk hla bơar đơ̆ng ti 'Bok Kei-Dei mă oei tơ tang-dŏ.

Tơdrông Tơ'bôh 6:16

Đĭ lu sư khan: “Ơ kông, ơ tơmo, klơ̆p nhôn bĕ wă kơ nhôn huay pă 'bôh muh măt 'Bok Kei-Dei mă oei tơ tang-dŏ, hăm huay pă 'bôh muh măt Kon Triu hil kơ nhôn,