Êsai 59:3 - Sơ̆p Hlabơar Nơ̆r 'Bok Kei-Dei

³ Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Êsai 59:3 Iomraidhean Croise

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 3:8

Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 2:34

Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Je 9:7

Lei na Kră Yang Tih Hloh khan: “Âu Inh gô pơm kơ lu sư rơgoh hăm ŭnh wă pơlong lu sư, yua kơ tơdrong yoch lu sư Inh ưh kơ gơh wă pơm kiơ nai kơ kon pơlei Inh?

Êsêkiên 13:8

Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Êsêkiên 22:2

“Ơ kon bơngai, hăm trŏ ih wă sek tơlang, sek tơlang pơlei pơlôch tuh pham noh ưh? Athei ăn kơ lu sư băt tôm yoch kơnê̆ krưp sư.

Êsêkiên 35:6

Thoi noh Kră Yang khan: Thoi Inh mă arih, Inh gô pơm kơ ih tuh pham pơlôch băl, pham gô druh kiơ̆ ih, yua kơ ih ưh kơ areh kơ tơdrong tuh pham, na pham gô druh kiơ̆ ih!

Êsêkiên 7:23

Hơmet lê̆ glang yua kơ lăm teh đak âu 'bĕnh kơ tơdrong pơm yoch kơnê̆ 'bet pơlôch băl păng lăm pơlei âu 'bĕnh kơ tơdrong pơrăm băl.

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Hôsia 7:3

Lu sư pơm tơdrong yoch wă pơhiôk kơ pơtao, păng yua tơdrong hơlĕnh lu sư pơhiôk lu kră pơgơ̆r.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

I Tim 4:2

Lu yang kơnê̆ wơh lu bơngai hơlĕnh chă bơtho tơdrong sư. Đon lu bơngai ei ưh pă tơchĕng đon 'lơ̆ng dơ̆ng boih.