Êsai 57:2 - Sơ̆p Hlabơar Nơ̆r 'Bok Kei-Dei

² Sư mơ̆t lăm tơdrong hiôk-hian. Lu bơngai arih 'lơ̆ng tơpăt, gô lôch pơdơh tơ anih sư kơdih.

Êsai 57:2 Iomraidhean Croise

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

II Ho 16:14

Đe 'bŭ sư lăm bơsat mă anih sư đei sir boih kơ sư kơdih lăm pơlei Đawit, đe tơ'bĭch lăm bong mă đe đei tah 'bĕnh kơ pơgang 'bâu phu, đe đei hơmet boih kiơ̆ kơ juăt pơm soh, đe soh 'long pơgang 'bâu phu tih dêh lăm năr grong noh.

Jop 3:17

Tơ bơsat noh bơngai kơnê̆ ưh pă đei pơrăm boih, păng bơngai rơdu rơmơ̆n gô pơdơh.

Horiso 37:37

Lăng bĕ tơ lu bơngai 'lơ̆ng păng lăng lu bơngai tơpăt; Yua kơ tuch-luch lu bơngai tơpăt gô đei tơdrong hiôk-hian.e

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Êsai 14:18

Đĭ-đăng pơtao rim teh đak. 'Bĭch lăm bơsat ư-ang lu sư.

Êsai 26:7

Trong lu bơngai 'lơ̆ng tơpăt jơ̆ tơpăt, ơ Kră Yang 'Lơ̆ng tơpăt, Ih pơm ăn trong kơ lu bơngai 'lơ̆ng tơpăt dơhnă hiôk.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Êsêkiên 32:25

Đe pơm ăn boih minh pôm giơng 'bĭch tŏk-bŏk lu bơngai mă đe pơlôch hơdai hăm đĭ-đăng lơlap kon pơlei oei jum dăr kơ bơsat sư. Đĭ-đăng lu sư bơngai ưh kơ đei kăt tơdra akar, đe pơlôch hăm đao yua kơ lu sư pơm kơ char lu bơngai arih hli tơrơ. Lu sư pŭ iŏk mơlâu hơdai hăm lu bơngai jur lăm sơlŭng jrŭ; đe 'măn lu sư hơdai hăm lu bơngai mă đe pơlôch.

Da 12:13

Bê̆ ih năm bĕ, dĭng truh chăl tôch. Ih gô pơdơh; păng truh tơ năr tôch ei, ih gô iung arih na iŏk tơmam apah.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Luka 16:22

Đơ̆ng rŏng kơ noh bơngai dơnuh ei lôch, na linh jang 'lơ̆ng 'Bok Kei-Dei atŏk sư tơ kơpal plĕnh ti. Sư oei jê̆ Abraham 'bơ̆t lu sư oei sŏng sa tơ plĕnh ti. Bơngai mơdrŏng ei kư̆m lôch mơ̆n na đe 'bŭ sư.

Luka 2:29

“Ơ Kră Yang, dang ei Ih ăn kơ inh mă đĭch Ih âu lôch achăng lê̆ teh đak âu hiôk-hian. Kiơ̆ thoi Ih khan kơ inh sơ̆,

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Tơdrông Tơ'bôh 14:13

Păng inh kơtơ̆ng dơ̆ng nơ̆r pơma đơ̆ng plĕnh Sư khan kơ inh thoi âu: “Inh wă kơ ih chih tơdrong âu: Lu bơngai mă lui boih kơ Kră Yang mă sư lôch kơnh pơgê dah layơ sư hiôk boih.” Na Yang Bơhngol 'Lơ̆ng tơl Sư: “Tơpă gô hiôk thoi Sư khan, yua kơ lu sư dang pơdơh kơ tơdrong jang pơmat-tat tơ ala teh âu. Mă-lei mă sư jang pơmat-tat gleh glăn tơ ala teh âu dang yơ, 'Bok Kei-Dei kư̆m ưh kơ hiơt tơdrong sư jang hrat noh ôh.”