Êsai 53:3 - Sơ̆p Hlabơar Nơ̆r 'Bok Kei-Dei

³ Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Êsai 53:3 Iomraidhean Croise

Horiso 69:29

Gah inh pơmat-tat răm-'băm: Na ơ Kră Yang 'Bok Kei-Dei apinh Ih dŏng pơklaih păng hơtŏk inh tơ anih kơjung.

Horiso 88:4

Đe đĭ jô̆ inh hăm khŭl jur lăm sơlŭng lôch; Inh thoi bơngai mă ưh kơ đei jơhngơ̆m pran,

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Êsai 53:4

Sĭt tơpă, sư bơih pŭ tơdrong jĭ jăn kơ lu bơ̆n, sư pŭ hơnong iŏk tơdrong ơh sơ'ngon lu bơ̆n, mă lu bơ̆n lăng ngeh khan đơ̆ng Kră Yang 'Bok Kei-Dei teh pơjĭ, păng pơmat Sư.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Markôs 10:33

Sư khan: “Iĕm mơ̆ng bĕ. Bơ̆n năm tơ Pơlei Jêrusalem. Tơ ei kơnh đe wă rôp Inh Kon Bơngai, jao kơ lu 'bok soi tih păng lu thây bơtho tơdrong juăt đe Juđê. Lu sư gô sek tơlang tơdrong Inh, jao Inh kơ lu bơngai dêh đe pơlôch.

Markôs 10:34

Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 14:34

Na Sư khan kơ pêng 'nu noh: “Dang ei Inh sơ'ngon dêh dang lĕ kơ wă lôch, na iĕm ngôi 'bơ̆t dâu, kral kơchăng ngôi hơpong kơ Inh 'biơ̆ hŏ.”

Markôs 15:19

Lu sư tôn kơ̆l Yêsu păng 'long, kơsoh pơ'brơh đak hai tơ akâu akar Sư păng pơm sơtơ̆p kŭl-tăng kơkuh pơngiĕl kơ Sư.

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Luka 8:53

Na đe ei pơm hiĕk kơ Sư yua kơ lu sư băt nhên kơ bơngai noh lôch tơpă boih.

Luka 9:22

Na Sư khan dơ̆ng: “Inh Kon Bơngai gô đei tơdrong pơmat-tat. Lu đe kră dêh char Juđê, lu đe 'bok soi tih, lu thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch kơ pêng năr đơ̆ng rŏng kơnh 'Bok Kei-Dei gô tơiung arih Inh dơ̆ng.”

Yo 11:35

Na Yêsu kư̆m nhơ̆m hmoi mơ̆n.

Yo 8:48

Lu bơngai Juđê khan kơ Sư: “Trŏ boih nhôn khan Ih bơngai Samari yang mơ̆t.”

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.