Êsai 53:2 - Sơ̆p Hlabơar Nơ̆r 'Bok Kei-Dei

² Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Êsai 53:2 Iomraidhean Croise

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Luka 2:7

klaih kơ noh sư tơpŭ kơ minh 'nu kon kơdră sư. Sư tơsu kơ kon sư minh blah khăn, klaih kơ noh tơ'bĭch kơpal 'nhĕt kro tơ lăm war rơmo yua kơ ưh kơ đei anih boih lăm hnam 'bĭch tơmoi.

Luka 9:58

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Yo 18:40

Lu sư pơma 'bơ̆r re khan: “Ưh ôh, ưh kơ bơngai 'noh. Tơlĕch ăn kơ nhôn 'Barra'ba.” 'Barra'ba 'noh yŏng bơngai tơtông tơgar.

Yo 19:5

Klaih kơ noh na Yêsu lĕch. Sư yơ̆l tơlei agăl jơla păng hrŭk ao tai 'brê. Pilat khan: “Iĕm lăng bĕ bơngai 'nâu.”

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

I Pet 2:14

Păng bơ̆n kư̆m athei chu yom kơ lu 'bok kuan tih mơ̆n, yua kơ 'bok pơtao wơh lu sư rôp phak lu bơngai pơm kơnê̆, na gô pôk ư-ang lu bơngai pơm 'lơ̆ng.