Êsai 5:8 - Sơ̆p Hlabơar Nơ̆r 'Bok Kei-Dei

⁸ Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”

Êsai 5:8 Iomraidhean Croise

Jop 15:28

Sư gô oei tơ lăm pơlei mă đe pơrăm bơih, tơ lăm hnam juơ, hnam rơ̆m rĕk ưh kơ đei bơngai oei.

Jop 20:21

Ưh pă đei tơmam kiơ mă oei đei đơ̆ng rŏng kơ sư iŏk đĭ, lei na tơdrong mơdrŏng chơt hiôk sư ưh kơjăp đunh.

Tơdrông Pơđơk 15:27

Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Êsêkiên 11:15

“Ơ kon bơngai, kon pơlei Jêrusalem khan boih gah lu 'nhŏng oh ih, noh 'nhŏng oh ih kơdih, adrĕch adrung ih păng đĭ-đăng lu adrĕch Isơrael mă oei bơnă đe: ‘Lu sư ataih đơ̆ng Kră Yang; teh âu Sư ăn boih kơ bơ̆n bơ̆jang sa.’

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Habakuk 2:6

Hăm trŏ lu bơngai noh gô iŏk nơ̆r che bơle na hiĕk kơ sư, iŏk nơ̆r pơjăm sư thoi âu: “Răm-'băm tơpă kơ lu bơngai mă mong pơpôi lu tơmam mă ưh trŏ kơ tơmam sư kơdih! Lu sư pơgŏ iŏk tơmam iŏk thuê̆ trăp tơgar đơ̆ng đe, lu sư wă pơm thoi noh dĭng dang yơ?

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.