Êsai 5:5 - Sơ̆p Hlabơar Nơ̆r 'Bok Kei-Dei

⁵ 'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Êsai 5:5 Iomraidhean Croise

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Bl 11:7

Bĕ, lu bơ̆n jur pơm bơlŭ lê̆ nơ̆r pơma lu sư ưh pă hlôh băl dơ̆ng kơ nơ̆r pơma bơngai âu pơma kơ bơngai to.”

Ne 2:3

Na khan: Kơ pơtao hơpơi kơ pơtao arih ling-lang! Liơ mă inh ưh kơ sơ'ngon,

Horiso 89:40

Ih teh tơlơ̆ lê̆ boih dur sư, pơrăm lê̆ kơđông kơjăp sư pơchah đĭ.

Horiso 89:41

Đĭ kơ lu bơngai yak rok noh tơgar iŏk tơmam đơ̆ng sư. Sư jing bơngai rông 'bôt pơjăm.

Tơdrông Pơđơk 24:31

'Long 'nhĕt jơla jơ̆p kơ mir na sư, 'nhĕt jơla chăt 'bĕnh kơ teh. Păng dur man păng tơmo to đĭ păk boih.

Bôk Bơthô 3:3

Đei năr pơlôch, đei năr ming pơklaih; Đei năr pơrăm, đei năr pơm tơiung;

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Êsai 28:3

Hơgăl pơkao pơang lu bơngai suai tơdrô lăm char Êphraim đe gô pơjuă tơ ala jơ̆ng.

Êsai 32:10

Lăm minh sơnăm dơ̆ng, lu iĕm jơ̆ bơngai mă ưh kơ tơtăm, gô hli tơtơ̆ păng rŭng răng yua kơ bơyan phĕ plei hơmu iĕm ưh pă đei, păng bơyan phĕ plei nai ưh pă đei dơ̆ng mơ̆n.

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Je 21:4

‘'Nâu nơ̆r Kră Yang 'Bok Kei-Dei lu bơngai Isơrael khan: Âu Inh gô tơwih plơ̆, dôm lu đao kơtuang iĕm oei chĕp lăm ti wă blah puh pơtao Babilôn păng bơngai Kalđê dang ei oei wang tăp tơ đaih kơ dur pơlei, Inh gô akŭm lu sư lăm tŏk-bŏk pơlei tih âu.

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Je 45:4

Ih athei khan kơ Baruk: ‘Kră Yang khan: Tơmam kiơ Inh pơjing boih Inh gô pơrăm lê̆ sư, kiơ mă Inh đei pơtăm boih Inh gô buch lê̆ sư. Inh gô pơm thoi noh tơ jơ̆p-jang lăm dêh Juđa âu.

Nhom 1:15

Lu linh pran kơtang inh, Kră Yang pơrăm lê̆ đĭ boih. Sư akŭm pơpôi lu linh wă pơm kơnê̆ kơ inh, wă pơjuă pơhĕch lê̆ lu kon tơdăm inh, Kră Yang pơjuă gơhlơ̆r lê̆ lu kon adruh Juđa thoi gơ'bang đe hmĕt plei hơmu.

Nhom 2:6

Sư hơ'nglơh lê̆ pơk sư, thoi pơk lăm pơgar, Kŭm đei pơrăm anih lu sư juăt kơ akŭm. Tơ Siôn, Kră Yang pơm ăn kơ lu sư hiơt đĭ kơ năr akŭm tih păng năr Sa'bat.

Nhom 4:12

Lu pơtao kơpal teh, đĭ kon pơlei kơpal teh đak, tă ưh kơ ngeh ngăl. Linh lu ayăt gô mơ̆t blah tơ lăm lu 'măng jang pơlei tih Jêrusalem.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.