Êsai 4:2 - Sơ̆p Hlabơar Nơ̆r 'Bok Kei-Dei

² Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 4:2 Iomraidhean Croise

Horiso 67:6

Teh pơjing boih kơ lu 'nhot sa hla pơkao. Kră Yang 'Bok Kei-Dei jơ̆ Kră Yang 'Bok Kei-Dei lu nhôn, gô ăn pŭn hiôk kơ lu nhôn.

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Le 28:2

Ih athei pơhrŭk ăn kơ Arôn 'nhŏng ih ao rơgoh 'lơ̆ng, wă kơ pơyom ư-ang.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Êsai 60:15

Sơ̆ đe hiơt đe areh kơ ih, păng ưh kơ đei bu năm rok lăm ih. 'Nâu Inh gô pơm ăn kơ ih jing rŏ ling-lang, jing tơdrong chơt hiôk kơ lơ bơngai ling-lang hlŏng hloi.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Je 44:14

lăm lu bơngai Juđa oei arih mă năm oei tơ dêh char Êyiptơ ưh gơh klaih gơh hlot, wă brŏk wih dơ̆ng tơ char Juđa, anih mă lu sư hơpơi 'maih wih brŏk oei. Lu sư ưh kơ gơh wih brŏk, lăp lu kơdâu klĕnh đĕch klaih klăi.”

Je 44:28

Gô đei lăp tŏ sĕt bơngai đĕch gơh klaih kơ đao gưm, đơ̆ng dêh char Êyiptơ wih brŏk tơ teh đak Juđa. Kơplah noh đĭ-đăng lu bơngai Juđa mă oei oei mă jur năm oei tơ dêh char Êyiptơ, gô băt nơ̆r pơma bu sĭt, nơ̆r Inh dah nơ̆r lu sư.”

Êsêkiên 34:29

Inh gô pơjing mir đei plei 'lơ̆ng đe ư-ang nă ăn kơ lu sư, lăm tơring lu sư pă đei pơngot dơ̆ng păng lu dêh char nai pă đei pơjăm pơjuă pơm kơ lu sư mơlâu dơ̆ng.

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Jôel 2:32

Na bu krao hơpơi kơ Kră Yang gô klaih, Kră Yang đei khan, tơ kông Siôn păng lăm pơlei Jêrusalem, gô đei lu bơngai kơdâu ôn klaih bơih, lu bơngai mă Kră Yang gô krao iŏk.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Pet 1:16

Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.