Êsai 39:2 - Sơ̆p Hlabơar Nơ̆r 'Bok Kei-Dei

² Hesekia hiôk sơng iŏk lu sư, na sư ăn năm lăng lăm hnam pơtao, anih lê̆ tơmam gĭt thoi kơ: Hu, maih, pơgang 'bâu phu, đak plei ôliwơ gĭt hăm năm lăng anih 'măn lu tơmam tơblah păng dôm lu tơmam gĭt lăm anih hnam sư, mă tơmam kiơ kiơ lăm anih pơtao păng lăm jơ̆p kơ dêh char pơtao sư, ưh kơ đei minh pôm tơmam yă kiơ mă Hesekia ưh kơ ăn kơ lu bơngai tang măt ăn kơ dêh char Babilôn lăng.

Êsai 39:2 Iomraidhean Croise

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

I Pot 10:25

Rim sơnăm, bu năm kư̆m chĕp ba tơmam pơyơ̆r ăn kơ pơtao, mơ'nah pơm păng hu mơ'nah pơm păng maih, hơbĕn ao, đao hơlă, đak pơgang 'bâu phu, aseh, aseh iĕ.

II Pot 20:13

Hesekia kơtơ̆ng lu đe ei roi, sư hiôk dêh, na sư chông lu đe ei năm lăng anih mong tơmam sư, maih, hu, tơmam 'bâu phu rơmă ôliwơ gĭt păng lăng anih mong tơmam tơblah păng lăng tôm tơmam lăm hnam sư mong noh. Sư ăn lu đe ei lăng đĭ-đăng tôm tơmam lăm hnam sư păng tôm tơmam lăm dêh char sư đei, sư ăn kơ lu đe ei lăng đĭ, ưh kơ lon minh pôm tơmam kiơ.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

II Ho 32:27

Hesekia mơdrŏng mơng păng đei đe pơyom tơpă, sư đei man hnam mong hu, maih, tơmo gĭt, tơmam 'bâu phu, đei khêl păng lu đao hơlă tơmam tơblah 'lơ̆ng 'lơ̆ng.

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

II Ho 9:1

Wă pơtao drŏ-kăn dêh char Seba kơtơ̆ng đe ư-ang kơ Sôlômôn, na sư năm truh tơ Jêrusalem, wă pơpơn pơlong lăng Sôlômôn; yă pơtao chông lu đĭch đam bơngai awih awăn lơlap, đei lu lăk-đa chơ pơgang 'bâu phu, đei maih lơ păng tơno gĭt; sư năm tơ Sôlômôn, roi tôm dôm tơdrong mă sư đei tơchĕng lăm kơ̆l sư kơdih.

II Ho 9:9

Đơ̆ng noh sư ăn kơ pơtao minh-hrĕng 'bar-jĭt talâng maih, tơmam 'bâu phu lơ tơpă păng tơmo gĭt, tam biơh đei tơmam 'bâu phu thoi noh đơ̆ng sơ̆ thoi tơmam 'bâu phu đơ̆ng thoi yă pơtao char Seba ăn kơ pơtao Sôlômôn.

Jop 31:25

tơdah inh hiôk chơt kơ mŭk drăm lơ, dah yua kơ đơ̆ng ti inh đei chă lơ tơmam.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

I Yo 1:8

Dah bơ̆n khan bơ̆n ưh kơ đei tơdrong yoch, 'noh bơ̆n kư̆m hơlĕnh kơdih bơ̆n mơ̆n păng 'bơ̆r bơ̆n kư̆m ưh kơ gơh pơma tơpăt tŏ sĕt.