Êsai 38:3 - Sơ̆p Hlabơar Nơ̆r 'Bok Kei-Dei

³ “Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Êsai 38:3 Iomraidhean Croise

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Ne 13:14

'Blŏk bĕ kơ inh ơ! Kră Yang 'Bok Kei-Dei inh, yua kơ tơdrong 'nâu apinh Ih 'nĕ kơ sŭt lê̆ dôm tơdrong jang 'lơ̆ng mă inh đei bơ̆jang yua kơ hnam Kră Yang 'Bok Kei-Dei inh păng kơ tơdrong jang Sư.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Ne 13:22

Inh athei bơngai Lêwi hơmet kơdih mă 'lơ̆ng rơgoh păng bơwei gak lu 'măng jang, wă 'măn 'năr Sa'bat jing năr 'lơ̆ng rơgoh, ơ! Kră Yang 'Bok Kei-Dei inh, apinh Ih 'blŏk kơ inh yua kơ tơdrong noh păng apinh Ih mơnat kơ inh kiơ̆ tơdrong 'mêm tih đơ̆ng Ih.

Ne 5:19

Ơ Kră Yang 'Bok Kei-Dei inh ơi! Apinh Ih 'blŏk kơ inh dôm tơdrong 'lơ̆ng inh đei pơm boih kơ lu kon pơlei âu.

Both 6:18

Athei pơm dôm tơdrong kiơ Kră Yang, khan 'lơ̆ng khan trŏ, na iĕm đei pŭn hiôk păng gơh mơ̆t tơ dêh 'lơ̆ng rŏ mă Kră Yang hlôi pơkă wă ăn kơ lu 'bok iĕm.

Horiso 6:8

Ơ lu pơm kơnê̆ noh, weh bĕ đĭ-đăng ataih đơ̆ng inh, Yua kơ Kră Yang kơtơ̆ng boih nơ̆r inh nhơ̆m ôr.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Hôsia 12:4

Sư đei tơglơ̆m hăm linh jang 'lơ̆ng, păng jei sư; sư nhơ̆m păng krao hơdrĭ apinh Kră Yang mơnat ăn. Sư tơ'bơ̆p boih Kră Yang tơ pơlei Bethel păng tơ noh Kră Yang đei bơtho sư.

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Horiso 102:9

Inh sa tơnuh tơplih kơ por. Đak inh nhă hrâu păng đak măt.

Horiso 32:2

Pŭn dêh kơ bu mă Kră Yang huay kơ jô̆ kơnê̆, Păng lăm jơhngơ̆m ưh kơ đei hơlĕnh!

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 26:3

Yua kơ tơdrong 'mêm mơnat Ih oei 'bơ̆t anăp inh, Inh kiơ̆ boih tơdrong sĭt Ih

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

Ne 13:31

kư̆m athei kon pơlei pơyơ̆r 'long ŭnh kiơ̆ thoi đei pơkă păng lu plei 'long blŭng-a lăm bơyan. Ơ! Kră Yang 'Bok Kei-Dei inh apinh Ih 'blŏk bĕ kơ inh păng ăn tơdrong 'lơ̆ng rŏ kơ inh! 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Ne 1:4

Kơplah inh kơtơ̆ng dôm nơ̆r noh, inh hơ-oei na nhơ̆m grong lăm hơdôm năr; inh ơ̆t kơ sŏng sa păng krao khan kơ Kră Yang 'Bok Kei-Dei hơtăl plĕnh thoi âu:

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

II Ho 25:2

Sư bơngai pơm 'lơ̆ng 'bơ̆t anăp Kră Yang, mă-lei ưh kơ đĭ jơhngơ̆m.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

I Pot 15:14

Sư ưh kơ yuih hŭt lê̆ ôh lu anih kơjung đe pơm yang, mă-lei jơhngơ̆m Asa pơm 'lơ̆ng 'bơ̆t anăp Kră Yang truh đĭ chăl arih sư.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Horiso 6:6

Jơhngơ̆m inh đĭ boih, yua kơ inh ôr krao, Rim măng inh nhơ̆m, dĭng giơng mah hơiuh.

Êsai 38:2

Pơtao Hesekia tơwih muh măt sư tơ tơnăr hnam, krao khan kơ Kră Yang:

Êsai 38:4

Kơplah noh đei nơ̆r đơ̆ng Kră Yang khan kơ Êsai:

II Pot 18:3

Sư pơm 'lơ̆ng 'bơ̆t anăp Kră Yang thoi Đawit, 'bok kơdră sư sơ̆ hlôi pơm.