Êsai 26:8 - Sơ̆p Hlabơar Nơ̆r 'Bok Kei-Dei

⁸ Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 26:8 Iomraidhean Croise

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Horiso 130:5

Inh chang gô Kră Yang. Bơhngol inh chang gô Sư; Păng inh gơnang hơmĕng kơ nơ̆r Sư.

Horiso 18:23

Inh oei 'lơ̆ng hơiă 'bơ̆t anăp Sư, Bơwei kơdih akâu huay kơ pơm kơnê̆

Horiso 42:2

Bơhngol inh rơhing kơ Kră Yang 'Bok Kei-Dei jơ̆ Kră Yang 'Bok Kei-Dei arih ling-lang. Layơ inh gô tơ'bơ̆p Kră Yang 'Bok Kei-Dei.

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Horiso 73:25

Tơ kơpal plĕnh inh ưh kơ đei bu, 'nguaih Kơ Kră Yang? Lăm teh đak, inh ưh kơ đei hơpơi chă bu nai 'nguaih Kơ Ih.

Horiso 84:2

Bơhngol inh 'maih dêh năm tơ cham hnam Kră Yang, Inh ôr krao Kră Yang 'Bok Kei-Dei mă arih ling-lang hăm đĭ jơhngơ̆m sĕch akar inh.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Hơri Hiôk 5:8

Ơ lu adruh Jêrusalem, inh pơkă kơ lu iĕm, Tơdah iĕm tơ'bơ̆p pơyô inh, roi ăn kơ sư. Inh jĭ jơhngơ̆m yua kơ hơyuh kơ sư.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 51:4

Ơ kon pơlei Inh, mơ̆ng bĕ Inh ơ teh đak Inh; pơgling đon iĕm mơ̆ng bĕ Inh. Gô đei tơdrong juăt lĕch đơ̆ng Inh, păng tơdrong tơpăt hơnơ̆ng Inh jing hơdah pơchrang ăn kơ đĭ-đăng kon pơlei.

Êsai 56:1

Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Jo 36:13

Noh boih nơ̆r đơ̆ng Kră Yang tơtă pơkă kơ Môis khan ăn kơ kon pơlei adrĕch Isơrael, tơ thŭng glă char Môap, jê̆ đak Krong Jôrđăn, tơklă anăp pơlei tih Jêrikô.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Jang 1:4

Hơtai ei lu sư oei akŭm dih băl, Yêsu khă lu sư: “Iĕm 'nĕ tam jăk đơ̆ng Pơlei Jêrusalem, iĕm athei chang gô Yang Bơhngol 'Lơ̆ng mă đêl 'Bă Inh pơkă gô ăn kơ iĕm kư̆m thoi Inh roi kơ iĕm ki.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

II Tes 3:5

Nhôn krao khan kơ Sư apinh Sư ăn kơ iĕm đei đon 'mêm kơ 'Bok Kei-Dei păng apinh Sư ăn kơ iĕm adrin lui kơjăp lăm dôm tơdrong pơmat-tat kư̆m thoi Kră Yang Yêsu Krist adrin hơtai Sư oei tơ ala teh âu sơ̆ mơ̆n.