Êsai 26:3 - Sơ̆p Hlabơar Nơ̆r 'Bok Kei-Dei

³ Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 26:3 Iomraidhean Croise

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

II Ho 13:18

Thoi noh, kơplah noh, lu linh Isơrael thuơ răm, jei lu linh păng kon pơlei Juđa, yua kơ lu sư gơnang kơ Kră Yang 'Bok Kei-Dei yă 'bok lu sư.

II Ho 16:8

Lu linh Êthiôpi păng linh Libyan hăm trŏ nuih kơtang đei gre aseh păng lu linh hao aseh lơ dêh? Lei ră, pơtao gơnang kơ Kră Yang boih, na Sư jao lu linh noh lăm ti ih.

Horiso 119:165

Bu mă 'mêm kơ khôi juăt Ih đei tơdrong hiôk-hian tih. Ưh kơ đei kiơ mă gơh pơm kơ lu sư pơ̆k huŏng.

Horiso 125:1

Lu bơngai gơnang kơ Kră Yang. Thoi kông Siôn ưh kơ đei pơpơ̆, mă-lei oei oei ling-lang.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 26:12

Ơ Kră Yang Ih gô pơjing tơdrong hiôk-hian ăn kơ lu nhôn. Dôm tơdrong lu nhôn pơm noh jơ̆ Ih pơm ăn kơ nhôn bơih!

Êsai 27:5

Dah lu sư gơnang kơ Inh bơwei, ngôi hiôk-hian hăm Inh” tơpă pơm hiôk-hian hăm Inh.”

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Êsai 32:18

Kon pơlei Inh gô pơdơh oei lăm anih hiôk-hian, lăm hnam hiôk hơđơ̆ng, lăm anih pơdơh rơnŭk rơnua.

Êsai 42:19

Bu măt tol, thoi đam Inh? Bu klĭk nhen bơngai mă Inh wơh năm bơih? Bu măt tol nhen bơngai jao Sư đĭ kơ Inh? Bu măt tol nhen đam Kră Yang?

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 66:12

Kră Yang khan thoi âu: “'Nâu, Inh gô ba ăn tơdrong hiôk-hian ro thoi đak krong, ba tơmam gĭt lu teh đak thoi đak glung 'bĕnh blai; lu iĕm gô mŏm păng pôk kơ'mĭn tơ kơtơh, păng tơoei hơ-on kơpal kŭl-tăng.

Je 39:18

Inh gô pơklaih ih tơpă, ih huay kơ pơ̆k lôch kơ đao gưm; mă-lei ih gô arih yua kơ ih gơnang kơ Inh Kră Yang khan:”

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Mi 5:5

Lu sư gô yua đao blah pơrăm dêh Asiri păng lu 'măng jang Nimrôt; păng Sư gô dŏng pơklaih bơ̆n đơ̆ng lu bơngai Asiri, tơdah lu sư mơ̆t lăm teh đak bơ̆n păng teh pơjuă lăm anih noh.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Philip 4:7

Thoi noh na 'Bok Kei-Dei ăn kơ iĕm hiôk huay kơ tơchĕng lơ tơdrong păng huay kơ tơchĕng kơ tơdrong hli, yua kơ iĕm lui gơnang boih kơ Yêsu Krist. Tơ̆ng bơ̆n gơnang kơ đon bơ̆n tơchĕng kơdih đĕch bơ̆n ưh kơ hiôk ôh.