Êsai 26:1 - Sơ̆p Hlabơar Nơ̆r 'Bok Kei-Dei

¹ Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 26:1 Iomraidhean Croise

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Horiso 31:21

Bơnê ư-ang kơ Kră Yang. Yua kơ tơ lăm pơlei kơjăp Sư. Sư tơ'bôh ăn boih kơ inh tơdrong 'mêm mơnat hlĭch chrơp Sư!

Horiso 48:12

Dăr bĕ tăp kơ Siôn yak tăp dăr bĕ kơ pơlei tih. Jô̆ bĕ lu Hnam thôt Sư.

Horiso 48:4

Yua kơ to lu pơtao pơkă băl. Kŭm wang năm hơdai blah pơlei noh.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 31:5

Nhen thoi sem păr tơ kơpal bơwei kon sư thoi yơ, kư̆m lei-lăi thoi noh mơ̆n Kră Yang Tih Hloh gô bơwei Jêrusalem, Sư gô wei-lăng păng dŏng pơklaih, Sư gô găn lê̆ păng pơklaih lu sư.”

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 33:5

Kră Yang đei pơyom hloh, yua kơ Sư oei tơ anih kơpal ti, Sư pơm ăn kơ Siôn 'bĕnh blai kơ tơdrong 'lơ̆ng tơpăt păng trŏ hơnơ̆ng.

Êsai 33:6

Sư bơih gô pơm kơjăp lăm chăl lu iĕm, Sư boih tơdrong dŏng pơklaih, tơdrong hlôh wao, tơdrong gơh hơgei 'bĕnh blai, tơdrong hli yom kơ Kră Yang jơ̆ tơmam gĭt iĕm.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 5:1

Inh gô hơri ăn kơ bơngai mă inh 'mêm, minh 'bai hơri gah pơgar hơmu sư, buăl mă inh 'mêm đei minh hlak pơgar hơmu tơ kơpal groi hơdrih 'lơ̆ng.

Êsai 56:5

Inh gô ăn kơ lu sư hơdai tơ lăm hnam Inh wă khan lăm dur Inh. Minh anih 'blŏk hơdơ̆r păng minh anăn gĭt hloh kơ kon drŏ-nglo, kon drŏ-kăn; Inh gô ăn dơ̆ng kơ lu sư minh anăn mă oei oei ling-lang ưh kơ đei layơ tôch.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Êsêkiên 40:5

To, đei dur tơ 'nguaih jum dăr kơ anih hnam akŭm. Bơngai noh chĕp 'long pơtŏ kơjung tơdrâu hơgăt minh hơđa. Lăm rim hlok kơjung hloh kơ hlok hmă minh hơđa. Bơngai noh pơtŏ hơ'bơ̆l dur minh hlok, kơjung minh hlok.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Sa 2:9

Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

Jo 21:17

Kơplah noh lu bơngai Isơrael hat hơri tơdrong âu: Ơ sơlŭng đak, bluh đak bĕ! Hat hơri kơ sư bĕ!

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.