Êsai 24:2 - Sơ̆p Hlabơar Nơ̆r 'Bok Kei-Dei

² 'Bok soi kư̆m thoi kon pơlei, yŏng tơ'ngla jing thoi đam sư, yă yŏng tơ'ngla kư̆m thoi đam drŏ-kăn sư, bơngai tĕch kư̆m thoi bơngai răt, bơngai ăn mưng kư̆m thoi bơngai iŏk mưng, bơngai đe hre kư̆m thoi bơngai oei hre.

Êsai 24:2 Iomraidhean Croise

Bl 41:50

Adrol kơ sơnăm pơngot rơwĕt truh, na Asơnat kon adruh Pôtiphêra, 'bok soi tơm pơlei Ôn, tơpŭ ăn kơ Jôsep 'bar 'nu kon drŏ-nglo.

II Ho 36:20

Lu bơngai mă oei arih klaih đơ̆ng đao gưm, đe rôp chông ba pơm bơnă tơ char Babilôn; lu sư pơm đĭch đam kơ pơtao hăm kơ lu kon sâu sư dĭng truh tơ chăl pơtao dêh Persia pơgơ̆r,

Êsai 2:9

Bơngai hmă gô mơlâu, bơngai mơng đe gô tơjur apinh Kră Yang 'nĕ kơ mơnat!

Êsai 24:3

Teh đak âu gô pơrăm đĭ ưh pă đei kiơ đe gô plah tơgar iŏk đĭ, yua kơ Kră Yang đei khan bơih nơ̆r 'nâu.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 5:15

Lu bơngai hmă gô kŭp kơ̆l, kon bơngai gô tơjur, lu bơngai pơang gô lê̆ tơ ala.

Je 41:2

Ismael kon drŏ-nglo Nethania hăm lu mơjĭt 'nu kiơ̆ sư iung pơlôch Gêđalia kon drŏ-nglo Ahikam sâu Saphan hăm đao gưm, bơngai mă pơtao Babilôn pôk sư pơm yŏng pơgơ̆r dêh char Juđa.

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Nhom 4:16

Tơdrong hil blĕk Kră Yang pơm ăn kơ lu sư tơklah tơklang, sư ưh pă hue lăng dơ̆ng. Lu sư ưh pă pơyom kơ 'bok soi, Kŭm pă đei hli yom kơ bơngai kră.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.