Êsai 21:2 - Sơ̆p Hlabơar Nơ̆r 'Bok Kei-Dei

² Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Êsai 21:2 Iomraidhean Croise

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 60:3

Ih pơm boih kơ lu kon pơlei 'bôh tơdrong pơmat. Ăn kơ lu nhôn et sik, suai wing măt.

Horiso 79:11

Ăn kơ tơdrong lu bơngai bơnă krao ôr tơtok truh tơ Ih; Kiơ̆ kơ tơdrong mơsêh tih Ih apinh Ih tơgŭm pơklaih bĕ lu bơngai mă đe wă pơlôch.

Tơdrông Pơđơk 13:15

Tơdrong hlôh wao tơpă mă đei mơnat; Mă-lei tơdrong lu bơngai pơm yoch gô pơmat-tat.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Êsai 14:7

Jơ̆p-jang kơ teh đak oei pơdơh hiôk-hian, lu sư hơri chơt hiôk.

Êsai 22:6

Lu đe Êlam tơ̆n jŏ 'brơ̆m hră, năm kiơ̆ đei gre aseh hăm lu linh hao aseh, lu bơngai Kir chĕp khêl.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Je 25:25

Ăn đĭ kơ rim pơtao Simri, đĭ-đăng pơtao char Êlam, ăn kơ lu pơtao char Mêđi.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Je 31:25

Inh gô ăn kơ lu bơngai gleh lap klaih rơhing păng lu bơngai pă kĕ sa phĭ mah.”

Je 45:3

Ih khan boih ‘răm-'băm kơ inh, yua kơ Kră Yang pơthim ăn kơ inh tơdrong sơ'ngon, tơdrong ơh inh; inh lap dêh yua kơ tơtok tơtăm pă đei pơdơh.’

Je 49:34

Kră Yang khan kơ Jêrêmi bơngai khan lê̆ adrol gah dêh char Êlam, kơplah Sêđekia pơm pơtao pơgơ̆r dêh Juđa.

Je 49:35

Kră Yang Tih Hloh khan: “'Nâu, Inh gô gơ̆ lê̆ hră char Êlam, 'Nâu boih mă tơdrong pran kơtang tơm lu sư.

Je 50:14

Ơ lu bơngai chĕp hră, Dă bĕ lu iĕm tăp dăr dêh char Babilôn, Prah bĕ 'nĕ 'mêm kơ 'brơ̆m, Yua kơ sư pơm yoch blah Kră Yang.

Je 50:34

Mă-lei Tơ'ngla mă dŏng pơklaih lu sư pran kơtang tơpă; anăn sư Kră Yang Tih Hloh, Sư gô dŏng lu sư tơpă, Ăn jơ̆p kơ teh đak sư hiôk-hian, Mă-lei kon pơlei Babilôn đei chhŭr nuih.”

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Je 51:53

Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.

Nhom 1:22

Ăn kơ tơdrong yoch lu sư gô pơdah 'bơ̆t anăp Ih! Ăn bĕ tơdrong yoch truh 'bơ̆t anăp Ih păng pơm bĕ kơ lu sư thoi Ih đei pơm kơ inh; Yua kơ tơdrong inh pơm yoch, Păng inh ôr krao dêh boih, na jơhngơ̆m inh đê̆ rơdu rơmơ̆n.

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Da 5:9

Pơtao Belsatsar bơngơ̆t dêh; muh măt sư rai pha; lu kuan pơgơ̆r hnam pơtao kư̆m hiơ̆k bơngơ̆t.

Da 8:2

Thoi âu, lăm tơdrong đei 'bôh tơ'bôh kơ inh noh; inh 'bôh akâu inh oei lăm hnam pơtao Susơ, tơring Êlam; păng inh oei cheng glung Ulai.

Da 8:20

Triu tơno mă ih đei 'bôh, đei 'bar tŏ hơke, noh bre pơtao Mêdi păng pơtao Pherơsơ.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.