Êsai 21:1 - Sơ̆p Hlabơar Nơ̆r 'Bok Kei-Dei

¹ Nơ̆r khan lê̆ adrol kơ char glă oei rok cheng đak dơsĭ. Thoi kial hơbŭt pơrăm char gah gơal. Sư lĕch đơ̆ng char glă đơ̆ng teh đak hli krưp.

Êsai 21:1 Iomraidhean Croise

Jop 37:9

Kial hơbŭt truh đơ̆ng gah gơal, Kial tơngiĕt truh đơ̆ng gah yă-nơ̆m.

Êsai 13:1

Nơ̆r khan lê̆ adrol gah dêh char Babilôn mă Êsai kon Amôt 'bôh.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 14:14

Inh gô tŏk tơ kơpal lu hơmơ̆l, inh gô pơm kơ inh thoi Kră Yang Tih Hloh.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Êsai 5:28

'Brơ̆m hră lu sư suĕng dêh, hră lu sư hơ'năk lê̆ bơih, kơchôp aseh lu sư thoi tơmo tơneh. Jơ̆ng gre thoi phŭt huơ̆r.

Je 51:1

Kră Yang khan: “Inh gô puh kial năm pơlôch pơrăm dêh char Babilôn, hăm lu bơngai oei lăm char Lep Kamai.a

Je 51:42

Đak dơsĭ tŏk; đak dơsĭ poh-yă lơ̆p klơ̆p đĭ boih Babilôn.

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Êsêkiên 30:11

Sư hăm lu linh sư jing kơnê̆ dêh hloh kơ lu bơngai nai lu sư, gô truh wă pơrăm teh. Lu sư gô toh đao blah Êyiptơ, teh noh gô 'bĕnh kơ bơngai mă đe pơlôch.

Êsêkiên 31:12

Lu bơngai tơmoi đơ̆ng dêh char pơm kơnê̆ nuih pran kơtang hloh, gô kăl tơpăk lê̆ sư. Lu dơng tơ'bla sư gô huŏng tơ kông hăm tơ lăm lu thŭng; lu dơng sư tơgơ̆ huŏng tơ lăm thong, lu kon pơlei weh ataih pă ngôi yơ̆p păng achăng tŭk lê̆ sư.

Êsêkiên 38:9

Ih gô năm tơ anăp blah nhen thoi kial hơbŭt, thoi hơmơ̆l gom lê̆ teh noh, ih păng lu linh hăm lơ adrĕch adrung kiơ̆ ih.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,