Êsai 2:2 - Sơ̆p Hlabơar Nơ̆r 'Bok Kei-Dei

² Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 2:2 Iomraidhean Croise

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Jop 19:25

Mă-lei inh băt sĭt Tơ'ngla Dŏng Pơklaih inh oei arih, Sư gô iung dơ̆ng lăm năr tôch kơnh wă pơma dŏng inh kơpal teh.

Horiso 102:23

Sư pơm ăn jơhngơ̆m inh rơdu lăm chăl arih inh, Pơm ăn kơ lu năr arih inh rai djăl.

Horiso 2:8

Apinh bĕ Inh, Inh gô ăn kơ ih lu teh đak jing teh ih jang sa. Păng jơ̆p-jang kơ teh jing tơmam ih

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 22:28

Tơdrong Kră Yang pơgơ̆r, Sư pơgơ̆r đĭ kon bơngai.

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Horiso 72:8

Ăn kơ sư pơgơ̆r đơ̆ng đak dơsĭ âu truh tơ đak dơsĭ nai. Đơ̆ng krong âu truh tơ tôch teh đak.

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Horiso 87:1

Sư man boih hơnă tơ kơpal kông 'lơ̆ng rơgoh.

Horiso 87:2

Kră Yang 'mêm kơ lu 'măng jang pơlei Siôn, Hloh kơ lu anih nai mă adrĕch Jakôp oei,

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 56:5

Inh gô ăn kơ lu sư hơdai tơ lăm hnam Inh wă khan lăm dur Inh. Minh anih 'blŏk hơdơ̆r păng minh anăn gĭt hloh kơ kon drŏ-nglo, kon drŏ-kăn; Inh gô ăn dơ̆ng kơ lu sư minh anăn mă oei oei ling-lang ưh kơ đei layơ tôch.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 30:24

Kră Yang hil ưh kơ ngach dĭng mă truh tơ Sư pơm keh dôm tơdrong mă Sư wă pơm. Lăm năr tôch kơnh, lu iĕm gô băt hlôh hơđăl tơdrong 'nâu.”

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 49:39

Mă-lei lăm chăl đơ̆ng rŏng, inh gô tơiung lu bơngai Êlam wih brŏk đơ̆ng pơm bơnă. Noh Kră Yang khan.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Êsêkiên 40:2

Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Sa 8:22

Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Malachi 3:12

Jơ̆p kơ teh đak đe gô ư-ang kơ lu iĕm đei pŭn hiôk, yua kơ đơ̆ng iĕm na teh gô chơt hiôk.” Kră Yang Tih Hloh khan thoi noh.

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

II Tim 3:1

Ih athei 'blŏk hơdơ̆r tơdrong âu mă tơpă: Năr jê̆ tôch ning-mônh đei lơ tơdrong pơmat-tat.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.