Êsai 2:11 - Sơ̆p Hlabơar Nơ̆r 'Bok Kei-Dei

¹¹ Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:11 Iomraidhean Croise

II Sam 22:28

Kră Yang dŏng pơklaih lu bơngai iŏk đon ala kơ đe. Mă-lei măt Sư 'bôh lu bơngai pơang, Kră Yang gô tơjur lu sư.

Horiso 18:27

Yua kơ Ih dŏng tơgŭm lu bơngai iŏk đon ala; Mă-lei Ih gô tơjur lu bơngai pơang.

Horiso 18:28

Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Horiso 20:8

Lu đe noh kơdŭn pơ̆k hraih đang, Gah lu nhôn iung păng dơ̆ng tơpăt hloi.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Tơdrông Pơđơk 16:5

Bu đei jơhngơ̆m pơang Kră Yang areh; Sĭt tơpă wă phak lu sư ưh kơ jor.

Tơdrông Pơđơk 30:13

Đei khŭl bơngai muh măt lu sư pơm pơrŏ, Tưk kơnur pơang dêh.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 14:15

Mă-lei đe gô tơjur ih tơ Dêh atâu sŭng, huŏng tơ anih tôch kơ jrŭ.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 24:21

Năr noh kơnh Kră Yang gô phak lu linh jang kơnê̆ tơ kơpal plĕnh ti păng phak lu yŏng pơgơ̆r kơnê̆ lăm teh âu.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 28:5

Lăm năr noh kơnh Kră Yang Tih Hloh gô jing thoi hơgăl pơkao rang mơnhal, păng hơgăl pơkao 'lơ̆ng rŏ kơ lu kon pơlei Sư mă oei oei.

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Êsai 4:1

Lăm năr noh tơpơh 'nu drŏ-kăn gô rôp pơkơ̆ng minh 'nu drŏ-nglo păng pơma khan: “Lu nhôn sŏng sa tơmam nhôn kơdih. Păng hrŭk hơbĕn ao nhôn kơdih; apinh ăn kơ đe krao nhôn anăn Ih; sŭt lê̆ lu tơdrong mơlâu lu nhôn.”

Êsai 40:23

Sư bơih pơm kơ lu yŏng pơgơ̆r jing tơdrong kơ đei păng lu Kră pơgơ̆r tơ kơpal teh âu jing ưh kơ đei yua.

Êsai 52:6

Thoi noh na kon pơlei Inh gô băt kơ anăn Inh; tơpă lăm năr 'noh lu sư gô băt Inh âu bơih jơ̆ Tơ'ngla khan: 'Nâu, Inh âu.”

Je 12:9

Kon pơlei Inh hăm trŏ thoi klang, Lu klang nai wang tăp dăr wă pơm kơ kon pơlei Inh hă? Akŭm bĕ đĭ-đăng lu sem bri, ba lu sư sa kon pơlei Inh.

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Êsêkiên 38:14

Thoi noh, ơ kon bơngai, khan lê̆ adrol bĕ păng tơbăt ăn kơ Gôk: Kră Yang khan thoi âu: Kơplah năr noh, kon pơlei Isơrael Inh oei arih sa hiôk-hian, ih ưh kơ băt ôh hă?

Êsêkiên 38:19

Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.

Êsêkiên 39:11

Lăm năr noh, Inh gô ăn kơ Gôk minh anih pơm bơsat 'bŭ tơ Isơrael, lăm thŭng mă lu bơngai năm rok wih wơ̆t gah hơlĕch kơ đak dơsĭ; tơ anih 'bŭ noh găn trong lu bơngai năm wih wơ̆t. Gŏt păng đĭ-đăng kon pơlei kiơ̆ sư, đe gô 'bŭ tơ lăm anih noh, đe gô krao thŭng Hamon Gôk.

Êsêkiên 39:22

Đơ̆ng âu tơ anăp, adrĕch Isơrael gô băt Inh boih Kră Yang 'Bok Kei-Dei lu sư.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Hôsia 2:16

Kră Yang khan thoi âu: “Lăm năr noh ih gô krao Inh: Klo inh; păng ưh pă krao Inh khan: Yang Baal inh dơ̆ng.

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Hôsia 2:21

Kră Yang khan: “Lăm năr noh, Inh gô tơl tơwih kơ lu tăl plĕnh ăn hơmơ̆l, lu tăl plĕnh gô tơl tơwih kơ teh ăn 'mi.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Ob 1:8

Kră Yang khan: Hăm trŏ lăm năr noh, inh gô pơlôch dôm lu bơngai hơgei đơ̆ng lăm pơlei Eđôm? Păng dôm lu bơngai hlôh wao đơ̆ng kông Êsâu?

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.

Mi 4:6

Kră Yang khan: Lăm năr noh Inh gô akŭm pơpôi lu bơngai jo jăn păng sơng iŏk lu bơngai mă đe pơpuh tơweh. Lu bơngai mă Inh đei pơm ăn lu sư ơh sơ'ngon.

Mi 5:10

Inh gô pơrăm đĭ lu pơlei tih lăm char lu iĕm păng Inh gô tơlơ̆ tŭk lê̆ lu kơđông kơjăp lu iĕm.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Jêphania 3:16

Lăm năr noh, đe gô khan kơ pơlei Jêrusalem thoi âu: “Ơ Siôn 'nĕ pă hli, ti ih 'nĕ pă rơdu!

Sa 9:16

Lăm năr noh, Kră Yang 'Bok Kei-Dei lu sư gô dŏng pơklaih lu kon pơlei sư thoi lu triu, kư̆m thoi minh tơmo gĭt lăm môk pơtao gô pơchrang kơpal teh.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

II Kor 10:17

Lăm sơ̆p hla bơar 'Bok Kei-Dei đei khan sơ̆ thoi âu: “Bơ̆n 'nĕ pă pơang akâu kơdih, bơ̆n athei pơang anăn Kră Yang đĕch.”

II Kor 10:5

păng dôm tơdrong ưh kơ 'lơ̆ng, ưh kơ trŏ đon kon bơngai tơchĕng, tơdrong lu sư wă pơgăn tơdrong 'Bok Kei-Dei. Nhôn athei lu sư chu yom kơ Yêsu Krist lăm tôm tơdrong.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.