Êsai 19:3 - Sơ̆p Hlabơar Nơ̆r 'Bok Kei-Dei

³ Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 19:3 Iomraidhean Croise

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Horiso 107:27

Lu sư mơngưt mơngat nhen thoi bơngai suai. Tơdrong hơgei lu sư hiong đĭ.

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Horiso 76:12

Sư gô hŭt lê̆ tơdrong pơang, đơ̆ng lu yŏng mơng; Pơm kơ lu pơtao lăm teh đak, hli tơrơ kơ Sư.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Êsai 47:12

Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 46:15

Liơ yang Apis mă pran kơtang ih kơdâu boih? Yang rơmo tơno ih ưh kơ kĕ kơ dơ̆ng, yua kơ Kră Yang tơlơ̆ lê̆ sư.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Êsêkiên 22:14

Jơhngơ̆m ih hăm kơjăp, ti ih hăm pran ưh lăm năr Inh sek tơlang ih? Inh boih Kră Yang, Inh hlôi pơma boih Inh gô pơm.

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Da 2:2

Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

I Sam 25:37

Pơgê năr đơ̆ng rŏng gô Nabal huay pă suai boih, akăn sư roi ăn kơ sư dôm tơdrong noh, na sư hli dêh akâu sư arănga nhen thoi tơmo.