Êsai 19:2 - Sơ̆p Hlabơar Nơ̆r 'Bok Kei-Dei

² “Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Êsai 19:2 Iomraidhean Croise

I Pot 16:21

Lu bơngai Isơrael tơklah jing 'bar khŭl; minh khŭl kiơ̆ Tipni, kon drŏ-nglo Ginat, wă pôk sư pơm pơtao; minh khŭl kiơ̆ Ômri.

II Ho 15:6

Dêh char 'nâu blah pơjuă dêh char nai, pơlei âu blah pơlei to yua kơ Kră Yang 'Bok Kei-Dei ăn đei lơ tơdrong gleh pơmat wă pơrŭng lu sư.

Êsai 3:5

Kon pơlei pơjuă pơđep băl tơduă, rim 'nu tơblah băl, tơduă rông 'bôt tơblah băl, lu hơ'lơ̆p pơrăm lu kră. Lu bơngai răm-'băm pơm plơ̆ kơ lu bơngai mă đe ư-ang.

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Je 51:46

'Nĕ kơ ơh klai, kư̆m 'nĕ kơ hli tơrơ mă kơtơ̆ng đe roi lăm teh đak âu. Sơnăm âu, đe roi thoi âu sơnăm đơ̆ng rŏng kơtơ̆ng đe roi thoi to. Tơdrong pơm tơwih băl lăm teh đak, lu yŏng pơgơ̆r gô tơgar băl pơm yŏng pơgơ̆r tơ'bet pơlôch băl.

Êsêkiên 38:21

Kră Yang khan: Inh gô krao đao hơlă đơ̆ng rim kơ kông groi Inh blah lu sư; đao hơlă lu sư gô blah 'nhŏng oh sư kơdih.

Sa 8:10

Yua kơ tơbăt lê̆ adrol kơ lu năr noh đe ưh kơ apah ôh dôm tơdrong kon bơngai jang lu kon sem dơrong jang; păng yua kơ lu ayăt, na ưh kơ đei tơdrong hiôk rơnŭk kơ lu bơngai lĕch dah lu bơngai mơ̆t; yua kơ Inh đei pơm ăn boih kơ kon bơngai rim 'nu tơblah tơduă hăm lu rông 'bôt sư kơdih.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Mathiơ 10:36

'Nhŏng oh pôm hnam mă ưh kơ lui hil areh kơ 'nhŏng oh mă lui.

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Markôs 3:24

Dah minh pôm teh đak tơblah dih băl, teh đak noh gô pơchah hiong,

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

Lu 9:23

Na Kră Yang ăn yang kơnê̆ pơm kơ Abimêlek păng kon pơlei Sichem; lu pơlei Sichem areh ayăt kơ Abimêlek.

I Sam 14:16

Lu linh gak pơtao Sôl tơ pơlei Gibêah lăm dêh Bênjamin, dai 'bôh kon pơlei Philistin kơdâu tơklah tơklang bơsuơ̆t bơsuăt.

I Sam 14:20

'Bơ̆t noh, Sôl akŭm đĭ-đăng lu linh oei hơdai sư, năm tơ anih tơblah, na 'bôh bơngai Philistin toh đao pơlôch dih băl bơsuơ̆t bơsuăt krưp dêh.