Êsai 15:2 - Sơ̆p Hlabơar Nơ̆r 'Bok Kei-Dei

² Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 15:2 Iomraidhean Croise

II Sam 10:4

Pơtao Hanun athei đe rôp lu đĭch đam Đawit, na hơkôih lê̆ sŏk kang lu sư minh pah tơ'bŏk, kăt lê̆ minh pah hơbĕn ao lu sư gah pơtâu, na ăn kơ lu sư brŏk.

I Ho 19:4

Thoi noh Hanun rôp lu jơ̆ng 'bang Đawit hơkôih lê̆ sŏk kang, hăm kăt lê̆ ao sư minh puăt truh tơ kơiĕng đang kơ noh tơbrŏk lu sư wih.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 15:3

Lu sư su 'bi sơ'ngon jơ̆p kơ trong tih lăm pơlei, lu sư nhơ̆m hmoi tơ kơpal bơbŭng hnam păng tơ anih hơdrŭm, lu sư hmoi ơh lĕch đak măt.

Êsai 16:12

Kơplah noh mă khan lu đe Môap năm tŏk tơ anih kơjung kơkuh kơ yang pih pang lap đĕch, mă đơ̆ng lu sư mơ̆t tơ anih chơnang soi wă krao khan kư̆m tơdrong kơ đei.

Êsai 16:7

Yua kơ noh bơih lu bơngai Môap gô nhơ̆m hmoi; đĭ-đăng lu sư nhơ̆m hmoi kơ Môap, nhơ̆m bĕ, tơtok ơh sơ'ngon bĕ, kơ 'bĕng plei hơmu pơlei Kir Harêsat!

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Je 3:21

Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Je 47:2

'Nâu Kră Yang khan: Đak tŏk đơ̆ng gah yă-nơ̆m, jing thoi đak krong ro, lơ̆p jơ̆p kơ dêh char păng đĭ-đăng tơmam lăm teh, lơ̆p lu pơlei păng lơ̆p đĭ kon pơlei oei lăm noh, kon pơlei gô ôr krao, đĭ kon pơlei lăm dêh char gô nhơ̆m hmoi,

Je 47:5

Kon pơlei Gasa sơ'ngon gô hơkôih sŏk kơ̆l; kon pơlei Askalon ngăn đĭ, Ơ lu kon pơlei Anakim mă oei oei lăm tơmăn dơnă, lu iĕm wă raih chrek akâu iĕm dĭng dang yơ?

Je 48:1

Gah dêh char Môap. 'Nâu Kră Yang Tih Hloh, 'Bok Kei-Dei Isơrael, khan: “Mơnat tơpă kơ pơlei Nêbô, đe gô pơrăm sư! Pơlei Kiriathaim mơlâu tơpă đe gô rôp blah iŏk. Pơlei kơjăp gô mơlâu dêh pơchah răm đĭ.

Je 48:18

Ơ kon pơlei Dibôn; Jur bĕ đơ̆ng anih ư-ang ih, na hơ-oei tơ teh hrĕng kro. Bơngai pơrăm char Môap gô truh wă pơrăm ih, pơrăm kơđông kơjăp ih.

Je 48:31

Thoi noh Inh gô nhơ̆m hmoi kơ char Môap, Inh nhơ̆m ôr yua kơ kon pơlei Môap. Inh nhơ̆m hơdrĭ ơh sơ'ngon kơ kon pơlei Kir Hareset.

Je 48:35

Kră Yang khan: “Inh gô pơtôch lê̆ lăm char Môap lu bơngai pơyơ̆r tơmam soi pơm yang tơ anih kơjung, păng soh nhang 'bâu phu kơ rup yang.

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Êsêkiên 27:31

Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Êsêkiên 30:2

Ơ kon bơngai, athei khan lê̆ adrol thoi âu: Kră Yang khan: Nhơ̆m hmoi bĕ; răm tơpă năr ei kơnh!

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Lêwi 13:40

Tơdah sŏk kơ̆l minh 'nu bơngai drŏ-nglo tơtuh, noh jơ̆ bơngai kơ̆l hok, đe jô̆ sư oei rơgoh đĕch.

Lêwi 21:5

Lu 'bok soi ưh kơ gơh hơkôih sŏk kơ̆l pơm kơ sư jing kơ̆l 'ngôch, 'nĕ kơ hơkôih sŏk kang sư kơdih kư̆m 'nĕ kơ 'bet akâu sư kơdih mơ̆n.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Jo 21:28

Yua kơ đei ŭnh lĕch đơ̆ng pơlei Hesbôn. Pla ŭnh lĕch đơ̆ng pơlei Sihôn. Ŭnh noh sa pơlei Ar lăm char Môap. Đĭ-đăng anih kơjung lu yŏng pơgơ̆r oei tơ đak Krong Arnôn.

Jo 21:30

Thoi noh bơ̆n blah blơ̆ kon sâu sư lôch đĭ iŏk đơ̆ng pơlei Hesbôn truh tơ Đibôn, Lu nhôn pơrăm đĭ truh tơ pơlei Napha, dĭng truh tơ pơlei Mêdêba,

Jo 32:3

Pơlei Atarôt, Đibôn, Jaser, Nimra, Hesbôn, Êlêaleh, Sêbam, Nêbô păng pơlei Bêôn.

Jo 32:38

pơlei Nêbô, pơlei Baal Mêôn, anăn kơ rim pơlei sư đei tơplih păng Sipma; păng krao anăn plơ̆ng pơlei ayơ mă lu sư đei pơdơ̆ng,

Both 14:1

Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;

Both 34:1

Đơ̆ng tơmăn glă char Môap, Môis tŏk tơ kông Nêbô, tơ kơ̆l kông Pisga, tơklă anăp pơlei Jêrikô; đơ̆ng noh Kră Yang ăn kơ sư lăng 'bôh jơ̆p kơ dêh char, đơ̆ng Gileat truh tơ char Đan;