Biblia Todo Logo
Bìoball air-loidhne

- Sanasan -




Êsai 13:9 - Sơ̆p Hlabơar Nơ̆r 'Bok Kei-Dei

9 'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.

Faic an caibideil Dèan lethbhreac




Êsai 13:9
27 Iomraidhean Croise  

Ăn kơ lu bơngai yoch lôch hiong đĭ đơ̆ng teh đak. Păng lu bơngai pơm kơnê̆ pă đei dơ̆ng, Ơ bơhngol inh hơri bơnê bĕ kơ Kră Yang: Halêluya!


Mă-lei lu bơngai kơnê̆ đe pơlôch lê̆ đơ̆ng teh đak, Păng lu bơngai hơlĕnh pơdăr gô buch lê̆ đơ̆ng teh noh.


Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.


Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.


Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.


Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.


“Lu bơngai mă hơmet akâu sư kơdih, wă năm mơ̆t tơ lu pơgar, kiơ̆ minh 'nu bơngai dơ̆ng tŏk-bŏk noh, sa 'nhĕm nhŭng, 'nhĕm kơne, lu tơmam sa kơnê̆ krưp.” Kră Yang khan: “Lu sư gô tơ'bơ̆p tơdrong tôch hiong răm pơđĭ.


Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.


Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.


Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.


Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.


Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.


Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.


Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.


Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.


Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.


Năr noh năr tơdrong hil, năr pơmat-tat ơh sơ'ngon, năr noh năr đe pơlôch pơrăm, năr măng mu păng năr ưh kơ đei hơdah năr hơmơ̆l păng tŭk gom,


'Nâu, năr Kră Yang truh boih, lu tơmam đơ̆ng lu iĕm tơtông gô klah asong.


“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.


Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”


Lean sinn:

Sanasan


Sanasan