Êsai 13:6 - Sơ̆p Hlabơar Nơ̆r 'Bok Kei-Dei

⁶ Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 13:6 Iomraidhean Croise

Jop 31:23

Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 13:9

'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 23:1

Nơ̆r khan lê̆ adrol kơ pơlei Tir, ơ duk Tarsis nhơ̆m ơh bĕ, yua kơ pơlei Tir pơchah răm đĭ bơih, dĭng mah hnam oei, anih duk pơdơh kư̆m đĭ pă đei, Đơ̆ng dêh Kitim đe kơtơ̆ng nơ̆r roi 'nâu.

Êsai 34:2

Yua Kră Yang hil mĭl wă pơrăm đĭ-đăng dêh char; Kră Yang hil kơ đĭ-đăng linh lu sư, gô ăn kơ lu sư lôch hiong păng pơjao lê̆ kơ đe pơlôch.

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êsai 47:11

Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Êsai 52:5

Kră Yang khan: “Inh wă pơm kiơ âu? Kon pơlei Inh đe rôp anhăk tơdrong kơđei,” Kră Yang khan: “Lu bơngai pơgơ̆r sư ôr pơklai, pơma kơnê̆ kơ anăn Inh ling-lang prăt năr.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Êsai 65:14

'Nâu lu đĭch đam Inh gô hơri ư-ang yua kơ jơhngơ̆m chơt hiôk, Mă-lei lu iĕm gô nhơ̆m ôr yua kơ jĭ jơhngơ̆m. Lu iĕm gô nhơ̆m ôr yua kơ jơhngơ̆m pơmat-tat.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Êsêkiên 13:5

Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.

Êsêkiên 21:12

Ơ kon bơngai, ôr nhơ̆m hmoi bĕ yua kơ đao noh wă blah kon pơlei Inh, blah lu yŏng pơgơ̆r Isơrael, đe jao boih lu sư kơ đao hăm lu kon pơlei Inh. Thoi noh sơ'ngon, pă đei tơdrong hơmĕng, tŭr kơtơh bĕ!

Da 5:26

Âu wă tơblang lu chư noh: Mene wă khan Kră Yang 'Bok Kei-Dei jô̆ boih dêh char pơtao păng wă pơtôch lê̆.

Da 5:9

Pơtao Belsatsar bơngơ̆t dêh; muh măt sư rai pha; lu kuan pơgơ̆r hnam pơtao kư̆m hiơ̆k bơngơ̆t.

Jôel 1:11

Ơ lu bơngai choh mir, hơwơ̆l hơwang; ơ lu bơngai pơm mir hơmu, nhơ̆m hmoi bĕ, yua kơ 'ba păng 'ba tơ'bâu, đĭ hiong, ưh pă đei kĕch pă đei yuă.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Jôel 1:5

Ơ lu bơngai juăt kơ suai, iung bĕ păng nhơ̆m hmoi! Ơ đĭ-đăng lu bơngai juăt kơ et sik athei sơ'ngon bĕ, yua kơ sik hơmu 'ngam đe pleh đơ̆ng 'bơ̆r iĕm boih!

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Jêphania 1:14

“Năr kăl tih Kră Yang jê̆ boih, wă jê̆ boih; sư wă truh tĕnh tơpă. Năr Kră Yang đei nơ̆r re jơwa, jơ noh lu bơngai nuih kơtang gô nhơ̆m ôr ơh sơ'ngon dêh.

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Sa 14:1

'Nâu, năr Kră Yang truh boih, lu tơmam đơ̆ng lu iĕm tơtông gô klah asong.

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”