Êsai 13:3 - Sơ̆p Hlabơar Nơ̆r 'Bok Kei-Dei

³ Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Êsai 13:3 Iomraidhean Croise

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Êsai 23:11

Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 5:26

Kră Yang Sư pơdơ̆ng hla-kơ ăn kơ lu bơngai oei tơ dêh ataih, păng hơhôch krao lu sư đơ̆ng jơ̆p-jang tôch kơ teh đak, na lu sư hăt hot wă kơ jah truh tĕnh.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 51:46

'Nĕ kơ ơh klai, kư̆m 'nĕ kơ hli tơrơ mă kơtơ̆ng đe roi lăm teh đak âu. Sơnăm âu, đe roi thoi âu sơnăm đơ̆ng rŏng kơtơ̆ng đe roi thoi to. Tơdrong pơm tơwih băl lăm teh đak, lu yŏng pơgơ̆r gô tơgar băl pơm yŏng pơgơ̆r tơ'bet pơlôch băl.

Je 51:53

Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.

Jôel 3:11

Năm mă tĕnh bĕ ơ đĭ-đăng lu iĕm, lu mă teh đak jum dăr, lu iĕm athei akŭm băl bĕ tơ noh. Ơ Kră Yang, apinh Ih krao wơh lu bơngai pran kơtang Ih jur tơ noh!

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”