Êsai 12:2 - Sơ̆p Hlabơar Nơ̆r 'Bok Kei-Dei

² Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 12:2 Iomraidhean Croise

II Sam 7:24

Ih đei pơjing kơjăp bơngai Isơrael pơm kon pơlei pơla Ih kơdih ling-lang hlŏng hloi. Ơ Kră Yang, Ih boih Kră Yang 'Bok Kei-Dei lu sư.

Jop 13:16

Đơ̆ng tơdrong 'noh bơih wă dŏng pơklaih inh. Yua kơ lu bơngai ưh kơ lui ưh kơ pơ̆n năm 'bơ̆t anăp Sư.

Horiso 112:8

Jơhngơ̆m sư kơjăp, ưh kơ hli tơrơ, truh tơ sư 'bôh lu ayăt thuơ kơ sư.

Horiso 118:14

Kră Yang boih ăn kơ jơhngơ̆m inh pran păng nơ̆r inh hơri; Sư Tơ'ngla dŏng pơklaih inh.

Horiso 118:21

Inh bơnê kơ Ih, yua kơ Ih tơl tơwih nơ̆r inh apinh. Ih boih Tơ'ngla dŏng pơklaih inh.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Horiso 68:20

Kră Yang 'Bok Kei-Dei jơ̆ Kră Yang 'Bok Kei-Dei mă huai iŏk lu bơ̆n; Noh đơ̆ng Kră Yang na mă bơ̆n gơh klaih đơ̆ng lôch

Horiso 68:21

Tơpă Kră Yang 'Bok Kei-Dei gô pơjuă pơhĕch lê̆ kơ̆l lu ayăt kơ Sư. Kơpal bơwĕnh sŏk mă lu bơngai oei pơm kơnê̆.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 27:5

Dah lu sư gơnang kơ Inh bơwei, ngôi hiôk-hian hăm Inh” tơpă pơm hiôk-hian hăm Inh.”

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 38:20

Kră Yang bơih Tơ'ngla dŏng pơklaih inh. Đĭ chăl arih nhôn gô reh brŏ păng hơri lăm hnam Kră Yang.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 49:5

Dang ei, Kră Yang khan: Sư Tơ'ngla pơjing inh đơ̆ng lăm klak mĕ inh, ăn kơ inh jing đĭch đam Sư wă kơ inh chông ba adrĕch Jakôp wih tơ Kră Yang, păng akŭm Isơrael brŏk tơ Kră Yang; yua kơ inh đei pơyom 'bơ̆t anăp Kră Yang, păng Kră Yang 'Bok Kei-Dei ăn kơ inh đei jơhngơ̆m pran.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Habakuk 3:18

Inh kư̆m oei chơt hiôk lăm Kră Yang; Chhôk hal Kră Yang 'Bok Kei-Dei Tơ'ngla Dŏng Pơklaih inh.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Tơdrông Tơ'bôh 7:10

Lu sư pơma hơdai đĭ kơ minh tơpôl khan: “Ư-ang Kră Yang bơ̆n mă oei tơ tang-dŏ hăm ư-ang Kon Triu. Sư boih pơklaih bơ̆n ăn kơ bơ̆n hiôk-hian.”

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.