Êsai 11:12 - Sơ̆p Hlabơar Nơ̆r 'Bok Kei-Dei

¹² Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 11:12 Iomraidhean Croise

Jêphania 3:10

Lu bơngai mă krao chă Inh, wă khan lu kon drŏ-kăn lu bơngai jrok tơklah tơklang tơ pah to đak krong Êthiôpi, gô năm pơm yang pơyơ̆r tơmam soi kơ Inh.

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Êsai 43:6

Inh gô khan kơ gah yă-nơ̆m: ‘Achăng lu sư bĕ’ păng khan kơ gah gơal: ‘Lê̆ pă rôp pơkơ̆ng lu sư.’ Chông ba bĕ lu kon drŏ-nglo Inh brŏk đơ̆ng dêh ataih, chông ba lu kon drŏ-kăn Inh brŏk đơ̆ng tôch kơ teh.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Horiso 147:2

Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Horiso 68:22

Kră Yang khan: “Đơ̆ng kông Basan inh gô chông ba lu sư brŏk. Inh gô chông anhăk lu sư đơ̆ng lu anih jrŭ đak dơsĭ.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

Yo 7:35

Lu bơngai Juđê pơma dih băl khan: “Bơngai âu Sư wă năm tơ yơ, Sư khan bơ̆n ưh kơ gơh 'bôh Sư dơ̆ng? Rŏ lăng Sư wă năm oei păng lu bơngai Juđê mă oei tơ dêh đe na bơtho lu bơngai dêh đe.

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsai 59:19

Đơ̆ng gah bơmơ̆t đe gô hli yom kơ anăn Kră Yang. Đơ̆ng gah măt 'năr lĕch gô hli pơyom kơ tơdrong ư-ang Sư; yua kơ Sư gô truh thoi đak krong ro jăng hơyuh kial dui jơhngơ̆m đơ̆ng Kră Yang puh pơđông lê̆.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Both 32:26

Inh khan: Inh gô pơm kơ lu sư tơklah tơklang, sŭt pơgoh lê̆ tơdrong đe 'blŏk hơdơ̆r kơ lu sư đơ̆ng lăm kon bơngai.

Tơdrông Tơ'bôh 7:1

Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.

Horiso 60:4

Ih ăn boih kơ lu bơngai mă chu yom hla-kơ Ih. Wă kơ pơdah sư kơ tơdrong tơpăt sĭt. Sêla

Horiso 107:3

Lu bơngai mă đei krao akŭm boih đơ̆ng jơ̆p kơ dêh char, Đơ̆ng gah hơlĕch, gah bơmơ̆t, đơ̆ng gah yă-nơ̆m gah gơal.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsai 49:5

Dang ei, Kră Yang khan: Sư Tơ'ngla pơjing inh đơ̆ng lăm klak mĕ inh, ăn kơ inh jing đĭch đam Sư wă kơ inh chông ba adrĕch Jakôp wih tơ Kră Yang, păng akŭm Isơrael brŏk tơ Kră Yang; yua kơ inh đei pơyom 'bơ̆t anăp Kră Yang, păng Kră Yang 'Bok Kei-Dei ăn kơ inh đei jơhngơ̆m pran.

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 54:7

Inh achăng hŭt iĕm lăp minh kơchon; mă-lei hăm tơdrong 'mêm mơnat tih Inh gô sơng iŏk iĕm brŏk.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 50:4

Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Êsêkiên 28:25

Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Je 51:12

Hơtŏk hla-kơ iung blah dur pơlei tih Babilôn. Ăn thim bĕ linh gak tơ rim anih gak Ăn bĕ kơ lu linh răp! Kră Yang pơkă boih wă pơm, Sư gô pơm tơdrong kiơ Sư khan boih kơ koh char Babilôn.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Sa 8:7

Kră Yang Tih Hloh khan thoi âu: “'Nâu Inh gô dŏng pơklaih kon pơlei Inh đơ̆ng gah hơlĕch gah bơmơ̆t,