Biblia Todo Logo
Bìoball air-loidhne

- Sanasan -




Êsai 10:6 - Sơ̆p Hlabơar Nơ̆r 'Bok Kei-Dei

6 Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Faic an caibideil Dèan lethbhreac




Êsai 10:6
38 Iomraidhean Croise  

Inh teh pơhĕch lu sư thoi 'mui teh, Inh pơjuă păng juă bơhlơ̆r lu sư hĕch thoi teh rơpŭk rok trong.


Hloh kơ noh dơ̆ng, nhôn năm blah dêh 'nâu, nhôn ưh kơ kiơ̆ thoi nơ̆r Kră Yang athei hă? Kră Yang khan kơ inh: Năm blah dêh âu bĕ păng pơrăm lê̆ sư.”


'Bơ̆t ei kơnh teh đak Juđa jing minh tơdrong pơm ăn kơ Êyiptơ hli krưp mưh đe roi kơ Juđa rim 'nu hli ngăl, yua gah tơdrong tơdă Kră Yang Tih Hloh pơkă bơih wă pơm kơ char lu sư.


Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.


Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.


Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.


Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.


Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.


Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”


Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.


Lu kon pơlei iĕm truh tĕnh lu bơngai pơm kơnê̆ pơlôch lu iĕm gô weh đơ̆ng iĕm.


Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.


Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.


Lu sư ôr jơwa thoi dăm-brang akăn, gơhuh nhen dăm-brang mơlôh, lu sư grĕnh chă rôp sa sem bri păng hor ba, ưh kơ đei bu kĕ dŏng pơklaih ôh.


'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.


“Minh 'nu Inh đĕch pơjuă păng hmĕt đak hơmu, ưh kơ đei bu mă đơ̆ng kon pơlei oei hăm Inh. Lăm tơdrong hil Inh pơjuă lu sư, lăm tơdrong Inh mĭl Inh pơjuă bơhlơ̆r lu sư. Pham lu sư tơprah 'bơm ao Inh, ao tai Inh pham klep jơ̆p-jang.


Inh pơjuă gơhlơ̆r bơih lu kon pơlei lăm tơdrong hil mĭl. Inh ăn kơ lu sư suai hăm tơdrong Inh hil mĭl, păng pơlôch bơih pham lu sư lĕch tơ kơpal teh.


Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”


Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.


Ro blai mơ̆t tơ char Juđa, dĭng lơ̆p truh tơ hơko. Ơ Êmanuel! Pơnăr Sư gô bơyar jơ̆p kơ dêh ih.”


Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.


Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.


'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.


Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.


Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”


Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?


Inh gô pơjao char Êyiptơ ăn kơ sư wă apah tơdrong pơmat gleh sư hlôi blah iŏk, yua kơ sư đei bơ̆jang kơ Inh. Kră Yang khan thoi noh.


Ih gô blah tơgar tơtông iŏk mŭk tơmam, ti ih teh pơchah lu anih mă đĭ juơ sơ̆ dang ei đei kon pơlei oei păng ih blah lu kon pơlei mă truh đơ̆ng lu char, pơlei mă đei lu sem dơrong mŭk tơmam oei lăm tŏk-bŏk tơring char noh.


Lu bơngai Sêba păng Đêdan, lu bơngai mơdro đơ̆ng Tarêsi păng đĭ-đăng lu drŏ-nglo nuih kơtang thoi dăm-brang mơlôh sư gô khan kơ ih. ‘Hăm trŏ ih truh wă blah tơgar iŏk tơmam Ih akŭm linh wă blah iŏk tơmam, iŏk hu păng maih, wă blah iŏk sem dơrong mŭk tơmam păng wă tơgar iŏk lơ mŭk drăm hă?”’


Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.


Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.


mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.


Ơ lu bơngai 'bơ̆r đak klak ŭnh, Êsai chih nơ̆r 'Bok Kei-Dei khan lê̆ hơdrol sơ̆ thoi âu na 'blep kơ iĕm dang ei tơpă:


Lean sinn:

Sanasan


Sanasan