Êsai 10:4 - Sơ̆p Hlabơar Nơ̆r 'Bok Kei-Dei

⁴ Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 10:4 Iomraidhean Croise

Êsai 22:2

Ơ pơlei ôr tơkĕch, ơ-ôs ơ-as, pơlei mă chơt hiôk, pơm kư̆ kă lu khŭl iĕm lôch ưh trŏ kơ lôch yua kơ đao gưm kư̆m ưh kơ trŏ lôch yua kơ tơblah.

Êsai 24:22

Đe akŭm lu sư lăm sơlŭng păng chĭt lu sư nhen bơnă lăm hnam phak, đunh năr đe gô phak pơmat lu sư.

Êsai 34:3

Lu bơngai đe pơlôch, đe gô klơ̆m hŭt lê̆ lu sư. 'Bâu ôm atâu bơngai lôch jơ̆p-jang, rim kơ kông 'bĕnh-'bang kơ pham.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Êsai 9:11

Kon pơlei Siri, tơ anăp, kon pơlei Philistin gah rŏng ha 'bơ̆r gô luăn sa Isơrael, mă đơ̆ng lei ră, tơdrong Kră Yang hil ưh kơ ngach ôh păng ti Kră Yang oei yơ̆r tơ kơpal pơm kơ lu sư.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:16

Yua kơ thoi noh Kră Yang ưh kơ lăp đon kơ lu tơdăm păng ưh pă mơnat ôh kơ lu bơngai adro po, kon mơti mơtuei lu sư, yua kơ lu sư ưh kơ pơyom kơ Kră Yang 'Bok Kei-Dei păng pơm kơnê̆, 'bơ̆r lu sư pơma kơnê̆ kơtul bơlŭk, mă khan thoi noh ră Kră Yang oei hil pơma kơ lu sư, ti Kră Yang oei yơ̆r tơ kơpal wă pơm kơ lu sư 'mơ̆i!

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 37:10

Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?