Êsai 10:16 - Sơ̆p Hlabơar Nơ̆r 'Bok Kei-Dei

¹⁶ Thoi noh Kră Yang Tih Hloh, gô tơjur ăn tơdrong jĭ iôr hiang kơ lu linh pran kơtang sư. Đơ̆ng tơdrong pơang sư, ŭnh gô sa nhen thoi pla ŭnh sa.

Êsai 10:16 Iomraidhean Croise

II Ho 32:21

Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

Horiso 106:15

Kră Yang ăn kơ lu sư tơdrong lu sư apinh; Mă-lei ăn tơdrong jĭ răm truh kơ tơdrong arih lu sư,

Horiso 78:31

Đei hloi Kră Yang 'Bok Kei-Dei hil kơ lu sư, pơlôch lu bơngai mă pran hloh lăm lu sư, Sư pơrăm lu kon tơdăm Isơrael.

Êsai 10:18

Ŭnh gô sa đĭ tơdrong 'lơ̆ng rŏ 'long kơdrơ̆ng lăm bri păng chŭn mir teh mơ̆r bơhngol hăm akâu jăn hloi. Thoi bơngai jĭ wă lôch.

Êsai 17:4

Lăm năr noh tơdrong ư-ang đe Jakôp hach hiong bơih, akâu akar bek gô jing hơkĕ hơkong.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 5:17

Kơplah noh lu triu kon gô sa 'nhĕt, nhen thoi tơ tơmăn 'nhĕt sư kơdih, gah triu gô đei sa đêl đơ̆ng chŭn lu bơngai mơdrŏng lê̆ bri.

Êsai 8:7

Thoi noh, na âu, Kră Yang ăn đak lơ̆p krong ro jăng păng đak tih ro truh tơ lu sư, noh wă khan pơtao Asiri păng đĭ-đăng tơdrong 'lơ̆ng rŏ sư. Đak gô ro blai đĭ-đăng lu hơbong păng lơ̆p đĭ-đăng lu bơnơ̆.

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Je 48:14

Liơ ih pơ̆n pơang khan: ‘Nhôn lu linh nuih păng lu linh pran kơtang lăm anih tơblah?’

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Na 1:12

Kră Yang khan thoi âu: Mă khan lu sư pran kơtang dêh păng kơdrâ̆m lơ kư̆m gô pơrăm pơtôch lê̆ đĭ ưh pă đei kiơ. Mă khan Inh đei pơmat lu iĕm dang ei na ning-mônh ưh kơ đei pơmat iĕm dơ̆ng boih.

Jêphania 2:13

Đơ̆ng noh Kră Yang gô yơ̆r ti Sư tơ gah yă-nơ̆m, gô pơlôch pơrăm char Asiri, pơm ăn kơ pơlei Niniwe jing juơ, jing hrĕng kro thoi char 'blach.

Sa 7:4

Dang ei đei nơ̆r Kră Yang Tih Hloh khan kơ inh thoi âu:

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.