Êsai 1:9 - Sơ̆p Hlabơar Nơ̆r 'Bok Kei-Dei

⁹ Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 1:9 Iomraidhean Croise

Bl 18:26

Kră Yang khan: “Dah Inh 'bôh đei lăm pơlei Sôđôm đei pơđăm-jĭt 'nu bơngai tơpăt, yua kơ lu sư Inh gô mơnat đĭ kon pơlei.”

Bl 18:32

Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

Êsai 1:8

Adruh Siôn ưh pă đei bu oei tơ noh, thoi đe tŭk lê̆ pơk mir hơmu, thoi pơk mir mơkai, thoi pơlei đe wang.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 17:6

Mă-lei kư̆m oei đei 'ba hiơt tơ noh. Thoi kơ đe gơgŭ tơm plei 'long ôliwơ, plei sư kư̆m oei đei 'bar pêng tŏ tơ kơnhŏng wĕch ti, dah mă kư̆m oei puăn pơđăm tŏ plei tơ dơng sư. Kră Yang đe Isơrael khan.

Êsai 24:13

Adrĕch adrung kon bơngai oei kơpal teh âu gô đei thoi noh. Nhen thoi tơm 'long ôliwơ đĭ hơlŭng đơ̆ng đe gơgŭ păng thoi đe chă mok plei hơmu đơ̆ng rŏng kơ bơyan đe phĕ plei.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsai 46:3

Ơ adrĕch adrung Jakôp mơ̆ng Inh bĕ păng đĭ-đăng lu iĕm mă oei oei lăm adrĕch adrung Isơrael, Inh bơih pŭ pôk lu iĕm đơ̆ng năr 'nao tơpŭ kơ iĕm, kơ'mĭn lu iĕm đơ̆ng lăm klak mĕ iĕm.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Êsai 65:8

Kră Yang khan: “Thoi đe oei 'bôh đak hơmu lăm hơie hơmu Na khan: ‘'Nĕ kơ pơrăm lê̆, yua kơ lăm plei noh oei đei tơdrong 'lơ̆ng.’ Inh kư̆m gô pơm thoi noh kơ lu đĭch đam Inh, Inh ưh kơ pơrăm đĭ-đăng lu sư ôh.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Êsêkiên 14:22

Mă-lei đei lu bơngai mơ'nah klaih oei arih, lu kon drŏ-nglo hăm kon drŏ-kăn lu sư mă Inh gô chông lĕch đơ̆ng noh. Lu sư gô năm tơ ih; ih gô 'bôh tôm tơdrong lu sư pơm păng tơdrong arih sa lu sư, na ih gô hiôk, đei tơdrong pơlung yua kơ tơdrong truh mă Inh ăn tơ Jêrusalem, tôm tơdrong Inh đei ăn kơ char noh.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Jôel 2:32

Na bu krao hơpơi kơ Kră Yang gô klaih, Kră Yang đei khan, tơ kông Siôn păng lăm pơlei Jêrusalem, gô đei lu bơngai kơdâu ôn klaih bơih, lu bơngai mă Kră Yang gô krao iŏk.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Mathiơ 7:14

Trong 'măng mơ̆t tơ anih arih ling-lang iĕ păng anat kơ yak tơpă, na hui bơngai 'bôh 'măng iĕ noh.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Rom 9:29

Êsai kư̆m khan lê̆ hơdrol sơ̆ thoi âu: “Dah Kră Yang 'Bok Kei-Dei ưh kơ rong lê̆ bơ̆n 'biơ̆, lei kon bơngai bơ̆n lôch đĭ thoi Pơlei Sôđôm păng Gômôrơ sơ̆.”

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.