Êsai 1:6 - Sơ̆p Hlabơar Nơ̆r 'Bok Kei-Dei

⁶ Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 1:6 Iomraidhean Croise

II Sam 14:25

Kơplah noh lăm đĭ-đăng bơngai Isơrael ưh kơ đei minh 'nu bơngai ayơ đei pơư kơ akâu jăn sư 'lơ̆ng hloh thoi lĕ Apsalôm 'lơ̆ng; iŏk đơ̆ng tơpang jơ̆ng truh tơ kơ̆l, ưh kơ đei lao 'bơ̆t yơ.

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Je 30:12

Kră Yang khan: “Tơdrong jĭ rơka iĕm ưh pă gơh klaih boih; rơka jĭ iĕm jrŭ dêh.

Je 30:15

Liơ iĕm oei ôr krao yua kơ rơka iĕm? Tơdrong jĭ iĕm hơmet pă gơh klaih boih. Yua kơ tơdrong kơnê̆ iĕm trăp dêh, tơdrong yoch iĕm lơ dêh; noh Inh pơm kơ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 6:14

Lu sư hơmet rơka kon pơlei Inh 'bơ'biơ̆ đĕch na khan hiôk-hian hiôk-hian; mă tơpă ưh kơ đei hiôk-hian ôh.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Na 3:19

Rơka ih ưh kơ đei pơgang ming klaih, rơka ih jrŭ dêh truh kơ lôch na lu bơngai bu kơtơ̆ng đe roi gah ih lu sư tap ti kơ ih yua ưh kơ đei bơngai bu mă ih ưh kơ đei pơm kơnê̆ thoi ih ngăl juăt kơ pơm ling-lang.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 9:12

Yêsu kơtơ̆ng hloi lu sư pơma thoi noh na Yêsu khan kơ lu sư thoi âu: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang.

Luka 10:34

Sư thar pik đak pơgang 'bơ̆t rơka jĭ păng pơ̆n hloi jĭ noh, klaih kơ noh atŏk sư kơpal kơdŭ aseh sư kơdih, chơ ba sư tơ hnam tơmoi tep wă tơgŭm wei-lăng sư tơ noh.